ខេត្តក្រចេះ ៖ ស្ថិតនៅរមណីយដ្ឋាន«កាំពី» ដែលបានរងគ្រោះដោយទឹកជន់លិចលង់ ក្នុងបាតុភូតចម្លែក កាលពីអំឡុងប៉ុន្មានថ្ងៃមុននោះ ត្រូវពលរដ្ឋបញ្ជាក់ថា គឺមានស្ថានភាពធូរស្រាលវិញហើយ នៅថ្ងៃទី២៩ មករា…
ខេត្តក្រចេះ ៖ ស្ថិតនៅរមណីយដ្ឋាន«កាំពី» ដែលបានរងគ្រោះដោយទឹកជន់លិចលង់ ក្នុងបាតុភូតចម្លែក កាលពីអំឡុងប៉ុន្មានថ្ងៃមុននោះ ត្រូវពលរដ្ឋបញ្ជាក់ថា គឺមានស្ថានភាពធូរស្រាលវិញហើយ នៅថ្ងៃទី២៩ មករា នេះ ដោយអាចទទួលភ្ញៀវទេសចរមកលំហែលេងកម្សាន្តជាធម្មតាដែរ ។ ស្របទៅនឹងការលើកឡើងនេះ ពួកគាត់បានអំពាវនាវដល់ភ្ញៀវទេសចរ មកលេងកម្សាន្តវិញ នារដូវប្រាំងទឹកសម្រកដូចរាល់ឆ្នាំ ពិសេសក្នុងរដូវបុណ្យចូលឆ្នាំប្រពៃណីចិននាខាងមុខនេះ ។
ការអំពាវនាវពលរដ្ឋ មានដូជាម្ចាស់រោងក្យូសផ្ទះទឹក ក៏ដូចជាពលរដ្ឋដែលមានរបរលក់នំ ចំណី ម្ហូបអារហារឱ្យភ្ញៀវដែលមកលេងនៅកាំពីនេះ ។ បាតុភូតធម្មជាតិ បានធ្វើឱ្យអត្រាភ្ញៀវទេសចរធ្លាក់ចុះគួរឱ្យកត់សម្គាល់ ក្នុងអំឡុងប៉ុន្មានថ្ងៃចុងក្រោយនេះ ។ ក្រោយពីរមណីដ្ឋានអេកូទេសចរណ៍ដ៏ស្រស់ស្អាតនេះ បែរជាជួបប្រទះបាតុភូតទឹកជំនន់ជន់ឡើងខុសរដូវ ក៏បណ្តាលឱ្យលិចលង់រោងក្យូសនានាបាត់សោភណ្ឌភាព ។
ភ្ញៀវទេចរណ៍ ក៏មិនហ៊ានមកលេងកំសាន្ត ដូចរាល់ឆ្នាំដោយសារតែបារម្ភពីសុវត្ថិភាព ។ ស្ត្រីឈ្មោះ ប៉ាក់ ម៉ុល ជាអាជីវករម្នាក់ ដែលមានរបរលក់ដូរម្ហូបអារហារនៅក្នុងរមណីយដ្ឋានទឹកជួរទន្លេមេគង្គកាំពី បានប្រាប់ឱ្យដឹងថា នៅថ្ងៃទី២៩ មករា ដដែលនេះថា រូបគាត់ក៏ដូចជាប្រជាពលរដ្ឋទាំងចំនួនជាង៤រយគ្រួសារ រស់នៅភូមិកាំពី ឃុំសំបុក ស្រុកចិត្របុរី ដែលរាល់ឆ្នាំបានចំណូលពីទេសចរណ៍ក្នុងរមណីយដ្ឋាន មានការបារម្ភពីការបាត់ចំណូលដោយសារឆ្នាំនេះ ចំនួនភ្ញៀវមានការធ្លាក់ចុះច្រើន ។ គាត់ថា ចំនួនភ្ញៀវបានធ្លាក់ចុះបន្ទាប់ពីរមណីយដ្ឋាននេះ បានជួបបាតុភូតទឹកជំនន់កាល ពាក់កណ្តាលខែមករាកន្លងទៅនេះ។
បាតុភូតដ៏ចម្លែកដែលពលរដ្ឋថា ពុំធ្លាប់កើតមានក្នុងរដូវប្រាំង ហើយបែរមានទឹកជំនន់កើតឡើងទៅវិញនោះ ។ ព័ត៌មាននឹងមានផ្សាយជូនបន្ត ។ គួររំលឹកថា ៖ ទឹកជន់ឡើងក្នុងរដូវប្រាំងលិចកាំពី…កំពុងបង្កឱ្យភ្ញាក់ផ្អើលអ្នករស់តាមដងទន្លេមេគង្គណាស់
ចែករំលែកព័តមាននេះ