ខេត្តសៀមរាប ៖ សេចក្តីរាយការណ៍ឱ្យដឹងថា កាលពីរសៀលថ្ងៃទី២៣ មករា រដ្ឋបាលខេត្តបាននិងកំពុងដំណើរការចាក់បេតុងលើកំណាត់ផ្លូវប្រវែង៣២០ម៉ែត្រ ទទឹង៦ម៉ែត្រ ស្ថិតនៅក្នុងភូមិត្រពាំងសេះ សង្កាត់គោកចក ក្រុងសៀមរាប…
ខេត្តសៀមរាប ៖ សេចក្តីរាយការណ៍ឱ្យដឹងថា កាលពីរសៀលថ្ងៃទី២៣ មករា រដ្ឋបាលខេត្តបាននិងកំពុងដំណើរការចាក់បេតុងលើកំណាត់ផ្លូវប្រវែង៣២០ម៉ែត្រ ទទឹង៦ម៉ែត្រ ស្ថិតនៅក្នុងភូមិត្រពាំងសេះ សង្កាត់គោកចក ក្រុងសៀមរាប ផ្លូវជាប់របងខាងត្បូងវត្តពោធិវង្ស ហៅ «វត្តថ្មី» ទៅលិចតភ្ចាប់នឹងផ្លូវចាស់ ជិតដល់មុខសាលាសង្កាត់ នេះជាគម្រោងរបស់រដ្ឋបាលសាលាខេត្ត។
តាមសម្តីមន្ត្រីសង្កាត់គោកចកបានប្រាប់ថា កន្លងមក សង្កាត់គោកចកយើងបានលើកគម្រោងជាអន្លើរៗដោយប្រើប្រាស់មូលនិធិសង្កាត់ សាងសង់ផ្លូវបេតុងទៅលើកំណាត់ផ្លូវនេះពីមុខសាលាសង្កាត់ទៅលិច តែនៅប៉ែកខាងកើត មកភ្ចាប់ជាមួយផ្លូវមិត្តភាពកម្ពុជាកូរ៉េត្រង់ចំណុចប្រសព្វខាងត្បូងវត្តថ្មី នៅជាផ្លូវក្រាលគ្រួសក្រហម មិន ទាន់បាន ចាក់បេតុងនៅឡើយទេ ដែលមានប្រវែង៣២០ម៉ែត្រទៀត។
មន្ត្រីដដែរបានបន្តថា អាស្រ័យដោយមើលការចាំបាច់ និងសំណូមពររបស់បងប្អូនប្រជាជន ទើបរដ្ឋបាលសាលាខេត្ត បានលើកគម្រោងបន្ថែមទៀតទៅលើកំណាត់ផ្លូវដែលនៅសេសសល់ដូចជាផ្លូវក្រាលគ្រួសក្រហមនេះ ស្រាប់ដែលមិនទាន់បានចាក់បេតុង ប៉ុន្តែខណៈពេលនេះ ត្រូវបានកំពុងដំណើរការចាក់បេតុង ហើយ ដែលមានប្រវែង៣២០ម៉ែត្រ ដើម្បីងាយស្រួលដល់បងប្អូនប្រជាពលរដ្ឋធ្វើដំណើរ ឆ្លងកាត់ ក៏ដូចជាភ្ញៀវជាតិ និង អន្តរជាតិ ដែលបានឆ្លងកាត់នៅលើដងផ្លូវមួយនេះផងដែរ ៕
ចែករំលែកព័តមាននេះ