រាជធានីភ្នំពេញ ៖ សម្តេចតេជោបានមានប្រសាសន៍នៅថ្ងៃទី២៤ មករា ថា «នៅក្នុងហ៊ុនសែនកាន់អំណាចមិនអនុញ្ញាតឱ្យមានរដ្ឋប្រហារជាដាច់ខាត»។ សម្តេចបានមានប្រសាសន៍បែបនេះ នៅក្នុងពេលអញ្ជើញជាអធិបតីក្នុងពិធីអបអរសាទរខួប២០ឆ្នាំថ្ងៃកំណើតបញ្ជាការដ្ឋាន កងទ័ពជើងគោក នៃកងយោធពលខេមរភូមិន្ទ…
រាជធានីភ្នំពេញ ៖ សម្តេចតេជោបានមានប្រសាសន៍នៅថ្ងៃទី២៤ មករា ថា «នៅក្នុងហ៊ុនសែនកាន់អំណាចមិនអនុញ្ញាតឱ្យមានរដ្ឋប្រហារជាដាច់ខាត»។ សម្តេចបានមានប្រសាសន៍បែបនេះ នៅក្នុងពេលអញ្ជើញជាអធិបតីក្នុងពិធីអបអរសាទរខួប២០ឆ្នាំថ្ងៃកំណើតបញ្ជាការដ្ឋាន កងទ័ពជើងគោក នៃកងយោធពលខេមរភូមិន្ទ ដែលប្រារព្ធធ្វើឡើងនៅទីបញ្ជាការដ្ឋានកងទ័ពជើងគោក ស្ថិតនៅតាមបណ្តោយផ្លូវជាតិលេខ៤ ក្នុងសង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ ។
សម្តេចតេជោបានមានប្រសាសន៍ទៀតថា សហមេបញ្ជាការកងយោធពលខេរភូមិន្ទ លែងមានចាប់តាំងពីឆ្នាំ១៩៩៨ ។ សម្តេចតេជោបានពន្យល់ថា កងកម្លាំងត្រូវបានកែសម្រួលបន្តបន្ទាប់ពីរដ្ឋកម្ពុជា មកដល់ការបោះឆ្នោត១៩៩៣ រហូតមកដល់ពេលនេះ ។ នៅពេលសាលាក្តីខ្មែរក្រហមចប់ របងបញ្ជាការរដ្ឋានកងទ័ពជើងគោកនឹងត្រូវរំលាយចូលគ្ នាក្លាយជាសាលប្រជុំរបស់កងទ័ព ។
សម្តេចបានបន្តថា ខឿនការពារជាតិកងទ័ពការពារប្រជាជន គឺប្រជាជនម្នាក់កងទ័ពម្នាក់ ។ ប្រទេសនេះ ជាប្រទេសរបស់ប្រជាជនយើងទាំងអស់គ្នា ដើម្បីប្រជាជនយើង។ កងទ័ពត្រូវចូលរួមប្រឆាំងការជួយញដូរមនុស្ស គ្រឿងញៀនចោរកម្ម ភេរវកម្ម បដិវត្តពណ៌ចូលរួមបំផ្លាញចោល និងរក្សាឲ្យប្រទេសយើងមានសន្តិភាព ទោះបីចំណាយប៉ុន្មានក៏ដោយ ។
សម្តេចបតេជោបានលើកឡើងទៀតថា កងទ័ពមាននាទីសំខាន់រាលអំពើទាំងឡាយ ដែលប៉ុនប៉ងផ្តួលរំលំរដ្ឋាភិបាលស្របច្បាប់ ដែលកើតឡើងដោយការបោះឆ្នោត និងកនងទ័ពមិនអាចអព្យាក្រិតជាបក្សនយោបាយជាមួយរដ្ឋបានទេ។
សម្តេចតេជោបានបញ្ជាក់ថា «ប្រទេសមួយចំនួនបដិវត្តន៍បានសម្រេច ដោយសារការអព្យាក្រិតកងទ័ព។នៅពេលណាកម្លាំងដែលមិនស្របច្បាប់ ត្រូវកម្ទេចចោលមិនចាំបញ្ជាស្លាប់មនុស្ស៤ ឬ៥នាក់ប្រសើរជាងស្លាប់មនុស្សរាប់ម៉ឺននាក់ និងរាប់លាននាក់ »។
ចែករំលែកព័តមាននេះ