ទីក្រុងបាងកក ៖ ជនជាតិចិនរាប់ពាន់នាក់ត្រូវបានអញ្ជើញឲ្យមកទទួលទានបាយដំណើប និងស្វាយក្នុងការតាំងពិព័ណ៌មួយនៅទីក្រុងបាងកក កន្លងមក ។ យោងតាមសារព័ត៌មានបាងកក ប៉ុស្ដិ៍ ចេញផ្សាយកាលពីថ្ងៃទី១៩ មករា…
ទីក្រុងបាងកក ៖ ជនជាតិចិនរាប់ពាន់នាក់ត្រូវបានអញ្ជើញឲ្យមកទទួលទានបាយដំណើប និងស្វាយក្នុងការតាំងពិព័ណ៌មួយនៅទីក្រុងបាងកក កន្លងមក ។
យោងតាមសារព័ត៌មានបាងកក ប៉ុស្ដិ៍ ចេញផ្សាយកាលពីថ្ងៃទី១៩ មករា កន្លងមក បានឲ្យដឹងថា បង្អែមនេះគឺជាចំណុចពិសេសមួយរបស់កម្មវិធី ដែលវាជាផ្នែកមួយនៃគម្រោង « ពួកយើងខ្វល់ពីអ្នក » ឬ « We Care About You » របស់គណៈកម្មការវិស័យទេសចរណ៍របស់សភាជាតិ និងត្រូវបានសម្រប សម្រួលដោយសមាគមន៍ភ្នាក់ងារទេសចរណ៍ ថៃ ។
ពេលវេលា និងការផ្សព្វផ្សាយពិតជាមានសារសំខាន់ណាស់សម្រាប់ប្រទេសថៃ ព្រោះសប្តាហ៍ឈប់សម្រាកនឹងមកដល់ក្នុងពេលឆាប់ៗនេះចាប់ពីថ្ងៃទី៤ដល់ទៅ១០ ពេលដែលប្រទេសចិនអបអរបុណ្យចូលឆ្នាំប្រពៃណីជាតិរបស់ពួកគេ ។ គួរបញ្ជាក់ដែរថា ជនជាតិចិនស្មើច្រើនជាង ១ភាគ៤នៃភ្ញៀវទេសចរបរទេសដែលទៅកាន់ប្រទេសថៃទៅទៀត ។
កម្មវិធីនេះមានការចូលរួមពីលោកឧប នាយករដ្ឋមន្ត្រី Prawit Wongsuwon ដោយមានការទទួលទានបាយដំណើប និងស្វាយដែលធំជាងគេលើពិភពលោក និងប្រើស្វាយអស់៥ពាន់ផ្លែ និងបាយដំណើបប្រមាណ ១,៥តោនផងដែរ ហើយអ្នករៀបចំកម្មវិធីមានផែនការដាក់វាចូល Guiness World Records ផង ដែរ។
ជនជាតិចិនប្រមាណ១ម៉ឺននាក់ត្រូវបានអញ្ជើញឲ្យចូលរួមកម្មវិធីនេះដើម្បីបរិភោគបង្អែមខាងលើ រួមជាមួយនឹងអាហារនិងផ្លែឈើថៃផ្សេងៗ ការធ្វើបទបង្ហាញចម្អិនអាហារ និងារបាំថៃ និងចិនផងដែរ ។
គួរបញ្ជាក់ទៀតថា ការលេចទូក Phoenix នៅPhuket កាលពីថ្ងៃទី ៥ខែកក្កដាឆ្នាំមុន ដែលបង្កឲ្យជនជាតិចិនបាត់បង់ជីវិតប្រមាណ៤៧នាក់ស្ថិតក្នុងចំណោមឧបទ្ទវហេតុដែលអាក្រក់ជាងគេក្នុងវិស័យទេសចរណ៍ថៃ ។
បន្ទាប់ពីឧបទ្ទវហេតុនេះ ជនជាតិចិនជាច្រើនបានចាប់ផ្តើមមិនប្រាកដប្រជាទាក់ទិននឹងសុវត្ថិភាពពេលទៅកម្សាន្តក្នុងប្រទេសថៃ។ ជំនឿចិត្តកាន់តែធ្លាក់ចុះទៅទៀតពេលដែលលោកឧបនាយករដ្ឋមន្ត្រី Prawit ទម្លាក់កំហុសទៅកាន់ភ្នាក់ងារទេសចរណ៍ចិន ។
ចំនួនភ្ញៀវទេសចរជនជាតិចិនដែលបានទៅកម្សាន្តក្នុងប្រទេសថៃបានធ្លាក់ចុះ៦,៧% កាលពីខែសីហា។ ចំនួននេះបានបន្តធ្លាក់ចុះទៅទៀតប្រមាណ២៥,៣% នៅខែកញ្ញា និង០,២៣%នៅខែតុលា មុននឹងកើនឡើងវិញបាន ៤,៥% នៅខែវិច្ឆិកា ៕
ចែករំលែកព័តមាននេះ