ខេត្តបន្ទាយមានជ័យ ៖ ដងស្ទឹងមង្គលបូរីកំពុងជួបការរីងស្ងួតប្រជាពលរដ្ឋប្រឈមខ្វះទឹកប្រើប្រាស់ជាច្រើនឃុំ អាជ្ញាធរថាបណ្តាលមកពីប្រជាកសិករធ្វើស្រូវប្រាំងច្រើនលើសផែនការ ។
ប្រជាពលរដ្ឋដែលរស់នៅតាមដងស្ទឹងមង្គលបូរីបានប្រាប់ថា រយៈពេលជិត១ខែមកហើយអំឡុងខែមករា ឆ្នាំ២០១៩ នេះនៅដងស្ទឹងមង្គលបូរីប្រជាពលរដ្ឋកំពុងខ្វះទឹកប្រើប្រាស់បណ្តាលមកពីទឹកស្ទឹងរីង គឺរំពឹងតែទឹកស្អាត បើអ្នកគ្មានលទ្ធភាពប្រើប្រាស់ទេ គ្មានទឹកប្រើប្រាស់ដែលពឹងលើទឹកអណ្តូង ។
ប្រជាកសិករបានបញ្ជាក់ថា ជាក់ស្តែងទឹកស្ទឹងឃើញនៅខាងលើសំណង់ពោធិ៍២ដើមមានទឹកប្រើប្រាស់តែនៅក្រោមសំណង់មានទឹកប្រើប្រាស់តិចតួចមានកន្លែងខ្លះគ្មានទឹកក្នុងឃុំរហាត់ទឹង និងឃុំបត់ត្រង់ ហើយនៅចំណុចក្រោយវត្តកោះកែវឃើញមានក្រុមហ៊ុនទឹកស្អាតមង្គលបូរីបានវ៉ៃឈើរបាំង និងយកបាវខ្សាច់បិតនៅផ្នែកដងស្ទឹងខាងក្រោមបណ្តាលរីងប្រជាពលរដ្ឋគ្មានទឹកប្រើប្រាស់មានឃុំឬស្សីក្រោក និងឃុំតាឡុំ ឃុំព្រះស្រែ ឃុំគោកបល្ល័ង្គ និងឃុំសំបួរក្នុងស្រុកមង្គលបូរី ។
លោក សាយ ញ៉ឹប ម្ចាស់ទឹកស្អាតមង្គលបូរីបានបញ្ជាក់ថា បញ្ហាទឹកស្អាតនៅពេលនេះមិនទាន់ខ្វះខាត់នៅឡើយទេដែលប្រើប្រាស់ទឹកស្ទឹងមង្គលបូរីបើអស់ទឹកស្ទឹងអាចអាជ្ញាធរអន្តរាគមន៍ទៅផ្នែកខាងលើបើកទំលាក់អាចមានទឹកប្រើប្រាស់មូលហេតុដែលទឹកស្ទឹងអស់គ្មានទឹកប្រើប្រាស់ក្រោយពេលប្រជាកសិករសម្រុកនាំគ្នាធ្វើស្រូវប្រាំងដែលបង្កបង្កើនផល១ទៅ២ដងទើបខ្វះទឹកប្រើប្រាស់ ។
លោក សេង ហាប់ អភិបាលរងស្រុកមង្គលបូរីបានបញ្ជាក់ថា ដងស្ទឹងមង្គលបូរីពិតជាមានកន្លែងខ្លះត្រូវបានរីងព្រោះតែប្រជាកសិករធ្វើស្រូវប្រាំងច្រើនលើសផែនការកំណត់ដោយពួកគាត់គឹតតែប្រយោជន៍មិនបានគឹតគូរពីការខ្វះខាតទឹកប្រើប្រាស់ទោះជាអាជ្ញាធរនិងមន្ត្រីជំនាញមានការណែនាំយ៉ាងណាក៍ដោយ ។
លោកបានបញ្ជាក់ថា ទឹកតាមដងស្ទឹងនៅផ្នែកខាងលើសំណង់ពោធិ៍២ដើមនៅសល់ដែលមន្ទីជំនាញបើកអោយក្នុងកម្រិតកំណត់ដើម្បីការពារទឹកទុកសម្រាប់នៅរដូវខ្វះខាតទឹកដូចពេលនេះបើកសំណង់ពោធ៍២ដើមបង្ហើបតែមួយទ្វារបង្ហូរមិនអោយដាច់ទឹកនៅផ្នែកខាងក្រោមបើកទ្វារសំណង់បង្ហូរទឹកមានក្នុងស្ទឹងច្រើនគឺប្រជាកសិករបូមដាក់ស្រែនិងចំការអស់គ្មានទឹកសម្រាប់ប្រើប្រាស់ ៕
ចែករំលែកព័តមាននេះ