ប្រទេសកូរ៉េខាងត្បូង ៖ យោងតាមទីភ្នាក់ងារព័ត៌មានកូរ៉េខាងត្បូងYONHAPថា កាលពីថ្ងៃទី១៤មករាភ្លើងបានឆាបឆេះសណ្ឋាគារ RAMADA ENCORE CHEONAN ក្នុងខេត្តCHUNGCHEONGខាងត្បូង បណ្ដាលឲ្យនិយោជិតម្នាក់ស្លាប់ ហើយមនុស្សយ៉ាងតិច១៩នាក់រងរបួស។…
ប្រទេសកូរ៉េខាងត្បូង ៖ យោងតាមទីភ្នាក់ងារព័ត៌មានកូរ៉េខាងត្បូងYONHAPថា កាលពីថ្ងៃទី១៤មករាភ្លើងបានឆាបឆេះសណ្ឋាគារ RAMADA ENCORE CHEONAN ក្នុងខេត្តCHUNGCHEONGខាងត្បូង បណ្ដាលឲ្យនិយោជិតម្នាក់ស្លាប់ ហើយមនុស្សយ៉ាងតិច១៩នាក់រងរបួស។
តាមប្រភពមួយថានិយោជិតសណ្ឋាគារអាយុ៥៣ឆ្នាំ ត្រូវបានរកឃើញស្លាប់នៅជាន់ក្រោមដីរបស់សណ្ឋាគារ។ អាជ្ញាធរនិយាយថា ចំណែកមនុស្ស១៩នាក់ក្នុងនោះមានមានអ្នកពន្លត់ភ្លើង៤នាក់ត្រូវពុលផ្សែង ហើយបញ្ជូនទៅកាន់មន្ទីរពេទ្យមួយ។ ក្នុងចំណោមអ្នកទាំងនេះ៣នាក់ស្ថិតក្នុងសភាពធ្ងន់ធ្ងរ រួចមួយចំនួនទៀតសន្លប់មិនដឹងខ្លួន។
ភ្លើងបានឆាបឆេះនាវេលាម៉ោង១៦និង៤៦នាទីម៉ោងក្នុងស្រុក ក្នុងសណ្ឋាគារកម្ពស់២១ជាន់នោះ។ វាចាប់ឆាបឆេះពីជាន់ក្រោមដីមក ដោយពុំទាន់ដឹងមូលហេតុច្បាស់លាស់នៅឡើយ។ ភ្លើងអាចពន្លត់ឈ្នះ៤ម៉ោងក្រោយមក។ សណ្ឋា្គារនោះមានបន្ទប់៤២០ ទើបបើករកសីុកាលពីខែកញ្ញាកន្លងទៅ៕
ចែករំលែកព័តមាននេះ