ប្រមាណ៥ឆ្នាំហើយ…ធ្យូងដែលហូរចេញពីស្រុកខ្មែរទៅស្រុកថៃ…តាមច្រកទ្វារព្រំដែនខេត្តបន្ទាយមានជ័យក្នុង១ថ្ងៃៗរាប់រយតោន…អាចមានដល់រាប់ពាន់តោនផង ប្រសិនបើមាន…គឺមានប៉ុន្មានដឹកចេញប៉ុណ្ណឹង… ឈ្មួញថៃទិញយកទាំងអស់
ច្រកចេញធ្យូងដែលសាហាវជាងគេ…គឺច្រកបឹងត្រកួន និងច្រកតំបន់៥…ដែលសមត្ថកិច្ចនៅទីនោះឈរចាំរាប់ក្បាលឡាន…ក្បាលបាវធ្យូងយកប្រាក់បាតថៃដោយសុខសានរាប់ឆ្នាំមកហើយ ដែរ ។
ដល់អីចឹងទៅ…ធ្លាយរឿងពិតថា ឈើខ្មែរអាធំៗកាប់អារច្រៀកអស់ហើយ…នៅសល់អាតូចៗដែលមិនត្រូវប៉ាន់…គេកាប់កាត់ជាកង់ៗចូលឡធ្យូង…បានចេញជាធ្យូង ដឹកទៅប្រទេសជិតខាងអស់ ។
អីចឹងហើយបានជាព្រៃឈើខ្មែរនៅខេត្តបន្ទាយមានជ័យ…ធ្លាយដល់ខេត្តឧត្តរមានជ័យរលាយស្អាតចែស…ក្លាយជាវាលរហោស្ថានអស់ទៅហើយ ។
បើដុតចេញជាធ្យូងទុកបំរើការងារក្នុងស្រុក…វាមិនបាប មិនសាហាវ មិនអាក្រក់ពេកទេ…ប៉ុន្តែដឹកទៅចិញ្ចឹមស្រុកគេអស់…អាហ្នឹងមិនដឹងនិយាយម៉េចឱ្យចំទេ ?
ឈើធំៗដឹកចេញទៅស្រុកយួន ស្រុកចិន…តាមច្រកព្រំដែន…អត់សូវមានលក់ក្នុងស្រុកសម្រាប់តម្រូវការក្នុងប្រទេសទេ…ត្រូវជាមួយសមត្ថកិច្ចច្រកទ្វារ…ញ៉ុកខ្លាញ់ លើសឈាមស្ទើរគ្រប់ច្រកទ្វារព្រំដែនអស់ហើយ ។
សល់អាតូចៗកាប់ចិញ្ច្រាំបង្ហើយ…ដូចនៅស្រុកស្នួលខេត្តក្រចេះជាដើម…ចេញជាធ្យូងហូរទៅស្រុកយួនគ្មានសល់ទេ ។
មហាជនឆ្ងល់…មិនដឹងថា អស់លោកអភិបាលស្រុក…អស់លោកចៅហ្វាយស្រុក តំបន់អស់ហ្នុង…ជាប់រវល់រឿងអីទៅហ្ន៎បានជាមើលអត់ឃើញ ? ឬមួយអស់អីអស់ទៅ…ទឹកដីស្រុកអញមានអស់ឯណា ?
ម៉េចមិនមើលរឿងអាជ័យចាំចំការ ? អស់អីអស់ទៅ…ចំការនៅដដែលតើ…េហ ! េហ !
ចែករំលែកព័តមាននេះ