បេ​ប៊ី ប្រកែក​រឿង​ស្នេហ៍​ភេទ​ទី​បី


រាជធានី​ភ្នំពេញ​៖ តារា​សម្តែង និង​ចម្រៀង បេ​ប៊ី បាន​សម្តែង​ការ​ហួសចិត្ត​ចំពោះ​ការ​យល់​ច្រឡំ​ថា​បុរស​ម្នាក់​ថា​ជា​គូស្នេហ៍​របស់​នាង ខណៈ​ពេល​ដែល​តារា​រូប​នេះ​មិន​ធ្លាប់​មាន​ព័ត៌មាន​ពាក់ព័ន្ធ​ស្នេហា​ជាមួយ​បុរស​ណា​ឡើយ ។ អ្វី​ដែល​ធ្វើ​ឲ្យ​គេ​មាន​មានការ​ភាន់ច្រឡំ​នោះ បន្ទាប់​ពី​នាង​បង្ហោះ​រូប​កៀកកើយ​ជាមួយ​បុរស​ប្លែក​មុខ​ម្នាក់​ជាមួយនឹង​សារ​បង្កប់ន័យ​ស៊ី​ជម្រៅ ។

រឿង​នេះ​បាន​ធ្វើ​ឲ្យ​មហាជន ជា​ពិសេស​បណ្តា​អ្នកលេង​ហ្វេ​ស​ប៊ុ​ក​សម្តែង​ការ​ភ្ញាក់ផ្អើល ក្នុង​ពេល​បេ​ប៊ី មិន​ធ្លាប់​បាន​បង្ហាញមុខ​គូស្នេហ៍​ជា​សាធារណៈ​នោះ​ឡើយ ។ ការ​ភាន់ច្រឡំ​នេះ​បេ​ប៊ី សម្តែង​ការ​ហួសចិត្ត​យ៉ាង​ខ្លាំង ក្នុង​ពេល​ដែល​ព័ត៌មាន​នេះ​ត្រូវ​ផ្សព្វផ្សាយ​តាម​សារព័ត៌​មាននៅ​ក្នុងស្រុក​មួយ​។ បេ​ប៊ី បាន​ចាត់​ទុក​ព័ត៌មាន​នេះ​ថា​ជា​ការ​ភាន់ច្រឡំ​ទាំងស្រុង ដ្បិត​បុរស​ម្នាក់​នោះ​ត្រឹម​ជា​មិត្តភក្តិ​ជិត​ស្និទ្ធ​របស់​នាង​ប៉ុណ្ណោះ ។

បេ​ប៊ី​បាន​ស្នើ​ឲ្យ​មហាជន​កុំ​មានការ​ភាន់ច្រឡំ​ទៅ​លើ​ព័ត៌មាន​មួយ​នេះ ខណៈ​ពេល​ដែល​បុរស​រូប​នោះ​គឺជា​មនុស្ស​ភេទ​ទី​បី ហេតុនេះ​គ្មាន​មូលហេតុ​ដែល​នាង​ទៅ​ស្រឡាញ់​នោះ​ឡើយ​។

ជា​ការ​កត់សម្គាល់​នៅ​ពេល​បេ​ប៊ី បាន​ចែកចាយ​ព័ត៌មាន​នេះ​តាម​ហ្វេ​ស​ប៊ុ​ក​នោះ នាង​បាន​អះអាង​ប្រាប់​មិត្តភក្តិ​របស់​ខ្លួន​ថា បុរស​ម្នាក់​នោះ​គឺ​ស្រឡាញ់​ប្រុស​ដូច​គ្នា​ប៉ុណ្ណោះ ខណៈ​ពេល​ដែល​នាង​មាន​អ្នក​ស្រឡាញ់​រួច​ហើយ ។

ជុំ រចនា​ពេជ្រ ហៅ​បេ​ប៊ី គឺជា​ស្រី​ស្អាត មួយ​រូប​ក្នុង​សង្គម​សិល្បៈ​ក្រៅពី​មាន​រូបឆោម លោម​ពណ៌​ល្អឆើត ហើយ​នាង​ត្រូវ​បាន​គេ មើល ឃើញ​ថា រស់​ក្នុង​ភាព​ស៊ី​វី​ល័យ​ទៀត​ផង ដោយ មាន​ទាំង​រថយន្ត ទំនើប ៗ តម្លៃ​រាប់ ម៉ឺន​ដុល្លារ ធ្វើ​ជា​យាន​ផង ក្នុង​នោះ​នាង​មាន​រថយន្ត​ឡិច​ស៊ី​៣៣០ ជិះ​តាំងពី​មានមុខ​ក្នុង​ពិភព​សិល្បៈ ដំបូង​ៗ ម្ល៉េះ ឯ​របស់​ប្រើប្រាស់​ផ្សេង​ៗ របស់​នាង ក៏​សុទ្ធ​ជា​របស់​ប្រភេទ Brand ដែរ ។

មក​ដល់​បច្ចុប្បន្ន​គេ​ឃើញ​នាង​បាន​ប្ដូរ​មក ជិះ​រថយន្ត​ទំនើប​ជាង​មុន តម្លៃ​ក៏​កប់​ជាង​មុន ដែរ គឺ​រថយន្ត​ឡង់​គ្រី​ស្ស៊័​រ ស៊េរី​ថ្មី តម្លៃ​ជិត ១០​ម៉ឺន​ដុល្លារ​ឯណោះ ។ ក្រៅពី​នេះ​នាង​ក៏ ធ្លាប់​ប្រាប់​សារព័ត៌មាន​ដែរ​ថា នាង​មាន​ដី ច្រើន​ហិ​កតា​ទៀត​នៅ​ខេត្តបាត់ដំបង ។

បេ​ប៊ី ត្រូវ​បាន​គេ​ស្គាល់​ថា ជា​ពិធី​ការិនី ប្រចាំ​ស្ថានីយទូរទស្សន៍​MYTV ហើយ​ជា តារាចម្រៀង និង​តារា​សម្ដែង​វ័យក្មេង​សិច​ស៊ី មួយ​រូប ។ នាង​ទាក់ទាញ​ការ​ចាប់អារម្មណ៍​បំផុត​ពី​ប្រិ​យ​មិត្ត​អ្នក​ទស្សនា ជា​ពិសេស​ក្បាច់​រាំ ៕

Facebook Google Twitter Email

សិល្បៈ​និងវប្ប​​​ធម៌

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ