ទីក្រុងបាងកក ៖ ឆ្នាំ២០១៩នេះអាចជាឆ្នាំដែលមានឧបសគ្គច្រើនសម្រាប់វិស័យផលិតយានយន្តរបស់ប្រទេសថៃ ជាពិសេសក្នុងការរក្សាភាពប្រកួតប្រជែងទាំងក្នុងតំបន់ និងជុំវិញពិភពលោក ខណៈដែលប្រទេសកំពុងអភិវឌ្ឍន៍ដទៃងាកទៅកាន់វិស័យផលិតកម្មថ្នាក់ខ្ពស់ដើម្បីបង្កើនការងារក្នុងស្រុក ។ យោងតាមបាងកក ប៉ុស្ដិ៍ ចេញផ្សាយកាលពីថ្ងៃទី…
ទីក្រុងបាងកក ៖ ឆ្នាំ២០១៩នេះអាចជាឆ្នាំដែលមានឧបសគ្គច្រើនសម្រាប់វិស័យផលិតយានយន្តរបស់ប្រទេសថៃ ជាពិសេសក្នុងការរក្សាភាពប្រកួតប្រជែងទាំងក្នុងតំបន់ និងជុំវិញពិភពលោក ខណៈដែលប្រទេសកំពុងអភិវឌ្ឍន៍ដទៃងាកទៅកាន់វិស័យផលិតកម្មថ្នាក់ខ្ពស់ដើម្បីបង្កើនការងារក្នុងស្រុក ។
យោងតាមបាងកក ប៉ុស្ដិ៍ ចេញផ្សាយកាលពីថ្ងៃទី ៧កន្លងមក បានឲ្យដឹងថា វិស័យផលិតយានយន្ដរបស់ប្រទេសថៃត្រូវបានបង្កើតឡើងក្នុងអំឡុងទសវត្សឆ្នាំ១៩៥០ ពេលដែលរដ្ឋាភិបាលព្យាយាមប្តូរសេដ្ឋកិច្ចពីការពឹងផ្អែកទាំងស្រុងលើកសិកម្ម ។
ក្រុមហ៊ុនផលិតជាច្រើន ជាពិសេសក្រុមហ៊ុនជប៉ុនបានស្វែងរកមណ្ឌលផលិតកម្មថ្មីដើម្បីជៀសវាងប្រាក់បៀវត្សរ៍ខ្ពស់ក្នុងប្រទេសខ្លួន ហើយក៏ចាប់ផ្តើមបើកដំណើរការរោងចក្រក្នុងប្រទេសដទៃ ។ ក្នុងរយៈពេល៦០ឆ្នាំមកនេះ វិស័យផលិតយានយន្ដរបស់ប្រទេសថៃផលិតរថយន្ត ម៉ូតូ រថយន្តខ្នាតធំ រថយន្តក្រុង ត្រាក់ទ័រ ម៉ាស៊ីនសម្រាប់ការធ្វើកសិកម្ម និងឧបករណ៍សាងសង់នានាជាដើម ព្រមទាំងគ្រឿងយានយន្ត កង់ និងគ្រឿងបំពាក់ផ្សេងៗ ។
សមាគមឧស្សាហកម្មថៃ (FTI) ព្យាករណ៍មកថា ការនាំចេញផលិតផលនេះក្នុងឆ្នាំ ២០១៨នឹងស្មើប្រមាណ២៩,៧៥ប៊ីលានដុល្លារ ឬច្រើនជាងឆ្នាំ២០១៧ ដែលស្មើ២៩,៤៧ប៊ីលានដុល្លារ។
សេដ្ឋកិច្ចថ្មីៗដទៃទៀតកំពុងតែអភិវឌ្ឍន៍វិស័យយានយន្ដរបស់ខ្លួនដោយរៀនពីភាពខុសឆ្គងរបស់ប្រទេសថៃ ។ វាមានន័យថា ប្រទេសថៃ អាចនឹងបាត់បង់ភាពប្រកួតប្រជែង ប្រសិនបើតំណាងរាស្ត្រមិនធ្វើបច្ចុប្បន្នកម្មវិស័យនេះឲ្យស្របតាមនិន្នាការពិភពលោកទេនោះ ។
សម្រាប់ឆ្នាំ២០១៩ FTIព្យាករណ៍ថាប្រទេសថៃនឹងផលិតយានយន្តបាន២,១៥លានគ្រឿង ខណៈដែលអាចលក់បាន១,០៥លានគ្រឿងក្នុងប្រទេស និងនាំចេញប្រមាណ១,១លានគ្រឿងទៀត ។
លោក Surapong Paisitpatanapong អ្នកនាំពាក្យរបស់ក្លិបស្វ័យយន្តរបស់ FTI បានឲ្យដឹងថា ការនាំចេញនឹងជួបស្ថានការណ៍មិនល្អក្នុងទ្វីបជាច្រើននាឆ្នាំ២០១៩នេះ ។ ជាពិសេសតំបន់អឺរ៉ុបកំពុងតែផ្អាកការនាំចូលរថយន្តពីប្រទេសថៃក្រោមប្រព័ន្ធផែនការអនុគ្រោះពន្ធ (GSP)។ ដើម្បីជៀសវាងបញ្ហានេះ ក្រុមហ៊ុនយានយន្តមានគម្រោងនាំចេញទៅកាន់ប្រទេសតូកគី ។
លោកបានបន្ថែមទៀតថាសង្គ្រាមពាណិជ្ជកម្មរវាងសហរដ្ឋអាមេរិកនិងប្រទេសចិនបានបន្តជះឥទ្ធិពលអវិជ្ជមាន និងជាកត្តាដ៏សំខាន់ជាងគេដែលប៉ះពាល់ដល់សេដ្ឋកិច្ចពិភពលោក និងការនាំចេញផងដែរ ៕
ចែករំលែកព័តមាននេះ