រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានហៅពាក្យមិនយកខ្មែរណាជាសត្រូវជាសញ្ញាមួយនៃបដិវត្តពណ៌របស់ក្រុមប្រឆាំងនៅកម្ពុជា ។ ប៉ុន្តែត្រូវបានកំចាត់ទាន់ពេល វេលា ។ លោកសុខ ឥសាន អ្នកនាំពាក្យគណបក្សប្រជាជនកម្ពុជាបានឲ្យដឹងនៅថ្ងៃទី២…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាបានហៅពាក្យមិនយកខ្មែរណាជាសត្រូវជាសញ្ញាមួយនៃបដិវត្តពណ៌របស់ក្រុមប្រឆាំងនៅកម្ពុជា ។ ប៉ុន្តែត្រូវបានកំចាត់ទាន់ពេល វេលា ។
លោកសុខ ឥសាន អ្នកនាំពាក្យគណបក្សប្រជាជនកម្ពុជាបានឲ្យដឹងនៅថ្ងៃទី២ ខែមករា ឆ្នាំ២០១៩នេះ តាមរយៈសារតេឡេក្រាមយ៉ាងដូច្នេះថា ពាក្យមិនយកខ្មែរណាធ្វើជាសត្រូវជា ពាក្យមានខ្លឹមសារ និងអត្ថន័យល្អណាស់ខ្មែរណាក៏ចូលចិត្ត និងស្វាគមន៍ដែរ ។ ប៉ុន្តែបើគ្រាន់ តែមានតែទ្រឹស្តី ឯការអនុវត្តផ្ទុយនោះក៏មិនអាចយកជាបានការដែរ ។
ជាក់ស្តែងអតីតមេដឹកនាំអតីតបក្សប្រឆាំងបានយកពាក្យនេះធ្វើជាពាក្យស្លោកក្នុងការតស៊ូនយោបាយរបស់ខ្លួន ប៉ុន្តែពាក្យនេះបានបង្កប់ទៅដោយថ្នាំពុលយ៉ាងមានឥទ្ធិពលបំផុត បើសិនជាមិនយកចិត្តទុកដាក់ ពិនិត្យឲ្យបានស៊ីជម្រៅទេនោះ ។ លោកបន្តថា ជាសំខាន់ គឺការអនុវត្តជាក់ស្តែងតែម្តងពួកគេនាំគ្នាស្រែកថា មិនយកខ្មែរណាជាសត្រូវ តែពួកគេបង្គាប់បញ្ជាឲ្យធ្វើអំពើហិង្សាដោយចាត់ទុកបក្សកាន់អំណាចជាខ្មាំងសត្រូវ ជាអាយ៉ងបរទេស ហើយប្រើមធ្យោបាយផ្តួលរំលំតែម្តង ដូចដែលពួកគេបញ្ជាដឹកនាំធ្វើកុប្បកម្ម នាដើមខែមករា ឆ្នាំ២០១៤នៅផ្លូវវ៉េងស្រេងនោះ តើជាការមិនយកខ្មែរណាជាសត្រូវ ប្ញ ?
ជាក់ស្តែង គឺពិតជាយកខ្មែរធ្វើខ្មាំងសត្រូវពិតប្រាកដ ។ លោកបញ្ជាក់ថា «បញ្ហាដ៏គ្រោះថ្នាក់នេះ បើសិនមិនមានវិធានការណ៍ទប់ស្កាត់ និងបង្ក្រាបទាន់ពេលវេលាទេនោះពាក្យថា មិនយកខ្មែរណាជាសត្រូវនឹងក្លាយទៅជាមធ្យោបាយផ្តួលរំលំដ៏មានប្រសិទ្ធភាពជាមិនខានឡើយ ។ នេះហើយដែលហៅថា បដិវត្តន៍ពណ៌នោះមិនបាច់ឆ្ងល់ទេ» ។
សូមរឮកថា កាលពីឆ្នាំ២០១៣ ក្រោមពីការបោះឆ្នោតជ្រើសតាំងអ្នកតំណាងរាស្ត្រអាណតិ្តទី៥មេដឹកនាំអតីតគណបក្សសង្គ្រោះជាតិប្រកាសមិនទទួលលទ្ធផលនៃការបោះឆ្នោតនោះទេ ។ ជាងនេះក៏បានដឹកនាំធ្វើបាតុកម្មអហិង្សាយ៉ាងធំនៅក្នុងរាជធានីភ្នំពេញដោយប្រើប្រាស់មិន យកខ្មែរណាធ្វើជាសត្រូវនោះទេ ដើម្បីទាមទារឲ្យសម្តេចតេជោ ហ៊ុន សែន ចុះចេញពីតំណែង ថែមទៀត ។ ប៉ុន្តែបាតុកម្មនោះមិនត្រូវទទួលបានជោគជ័យនោះទេ គឺត្រូវបានកម្លាំងសមត្ថ កិច្ចបង្ក្រាបទាន់ពេលវេលា រហូតចាប់សកម្មជនអតីតបក្សប្រឆាំងដាក់ពន្ធនាគារមួយចំនួនផងដែរ ៕
ចែករំលែកព័តមាននេះ