ឥណ្ឌា៖ តាមប្រភពព័ត៌មាន Feedy TV បានឱ្យដឹងថា បុរសជាប្តីបានជះទឹកអាស៊ីតលើប្រពន្ធរបស់ខ្លួន ព្រោះតែនាងផ្តល់កំណើតឱ្យកូនស្រី ដែលមិនមែនជាកូនប្រុស តាមអ្វីដែលខ្លួនចង់បាន។
ស្ត្រីជាប្រពន្ធរងគ្រោះឈ្មោះ Farah Biwi អាយុ២៥ឆ្នាំ ត្រូវបានរងគ្រោះដោយទឹកអាស៊ីតពេលនាងកំពុងដេកលង់លក់ ក្រោមស្នាដៃរបស់ប្តីចិត្តឃោរឃៅមានឈ្មោះ Siraj Biwi អាយុ៣២ឆ្នាំ ។ មូលហេតុ គឺមកពីបង្កើតបានកូនស្រី និងខាងស្រីមិនទាន់ឱ្យបណ្ណាការ (នៅឥណ្ឌាគឺខាងស្រីជាអ្នកចេញបណ្ណាការ)។
ទឹកអាស៊ីតបានធ្វើឱ្យនាងរលាកជាច្រើនកន្លែង ដែលរួមមាននៅលើពោះ ដៃ និង មុខ។ ពេលនេះ នាងកំពុងតែសម្រាកព្យបាលនៅក្នុងមន្ទីរពេទ្យជិតផ្ទះ។ ចំណងមង្គលការរបស់នាងមានរយៈពេល៨ឆ្នាំហើយ ដោយមានកូនស្រីពីរនាក់ កើតមុនកូនស្រីចុងក្រោយនេះ។ ប្តីរបស់នាង តែងតែទទូចចង់បានកូនប្រុសជានិច្ច ដែលហេតុនេះហើយ ទើបនាងខំតាមយកកូនម្នាក់ទៀត ដោយមិនដឹងថា កូនលើកនេះជាកូនស្រីដដែល។
រឿងនេះ មិនមែនជារឿងកម្រកើតមាននោះទេ នៅប្រទេសឥណ្ឌា ។ វាមានជាង៣០០ករណី ដែលស្ត្រីត្រូវ
រងគ្រោះដោយទឹកអាស៊ីត។ តែករណីនេះ គឺពិតជាលើសមែនទែន ដោយគ្រាន់តែមិនបានបង្កើតកូនត្រូវភេទតាមតែប្តីចង់បានប៉ុណ្ណោះ ក៏ត្រូវរងគ្រោះដោយទឹកអាស៊ីតដែរ ៕
ចែករំលែកព័តមាននេះ