ខេត្តស្វាយរៀង ៖ បុរសជាជនជាតិចិនម្នាក់បានដួលបោកក្បាលទៅនឹងចានបង្គន់ក្នុងបន្ទប់ទឹកកាស៊ីណូ ហើយពេលដឹកបញ្ជូនទៅសង្គ្រោះនៅមន្ទីរពេទ្យក៏បានស្លាប់តាមផ្លូវ ។ ករណីនេះបានកើតឡើងកាលពីវេលាម៉ោង២ឈានចូលថ្ងៃទី២៩ ខែធ្នូ ឆ្នាំ២០១៨ ស្ថិតនៅបាវិតកណ្តាល សង្កាត់បាវិត…
ខេត្តស្វាយរៀង ៖ បុរសជាជនជាតិចិនម្នាក់បានដួលបោកក្បាលទៅនឹងចានបង្គន់ក្នុងបន្ទប់ទឹកកាស៊ីណូ ហើយពេលដឹកបញ្ជូនទៅសង្គ្រោះនៅមន្ទីរពេទ្យក៏បានស្លាប់តាមផ្លូវ ។ ករណីនេះបានកើតឡើងកាលពីវេលាម៉ោង២ឈានចូលថ្ងៃទី២៩ ខែធ្នូ ឆ្នាំ២០១៨ ស្ថិតនៅបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង ។
យោងតាមសមត្ថកិច្ចបានឲ្យដឹងថា ជនរងគ្រោះដែលស្លាប់ឈ្មោះZhing Zhong Gying ភេទប្រុស អាយុ៤៥ឆ្នាំ ជាជនជាតិចិន មានមុខរបរចុងភៅនៅក្នុងកាស៊ីណូក្រោន កាន់លិខិតឆ្លងដែនEE0932925 ។
សមត្ថកិច្ចបានបញ្ជាក់ថា មូលហេតុបណ្តាលឱ្យបុរសជាជនជាតិខាងលើស្លាប់គឺដោយសារជនរងគ្រោះដួលបោកក្បាលផ្នែកខាងក្រោយប៉ះនឹងចានបង្គន់រងរបួសធ្ងន់ ហើយក៏ត្រូវបានខាងក្រុមហ៊ុនដឹកតាមរថយន្តសង្គ្រោះបន្ទាន់ ពេលកំពុងបញ្ជូនមកសង្គ្រោះនៅមន្ទីពេទ្យខេត្តស្វាយរៀងក៏ស្លាប់តាមផ្លូវតែម្តង។
សមត្ថកិច្ចបានបន្តថា បច្ចុប្បន្នសពត្រូវបានតម្កល់នៅមន្ទីរពេទ្យខេត្ត លុះដល់វេលាម៉ោង២រសៀលថ្ងៃដដែល សមត្ថកិច្ចជំនាញនិងលោកវេជ្ជបណ្ឌិតប៉ែន សុលដា ផ្នែកសង្គ្រោះបន្ទាន់នៃមន្ទីរខេត្តស្វាយរៀងបានពិនិត្យ និងធ្វើកោសលវិច្ច័យលើសព រួចសន្និដ្ឋានថា ជនរងគ្រោះពិតជាបានដួលបោកក្បាលប៉ះផ្នែកខាងក្រោយទៅនឹងចានបន្គន់បន្ទប់ទឹក ទើបបណ្តាលអោយស្លាប់ប្រាកដមែន ។
បច្ចុប្បន្នសពត្រូវបានដឹកយកទៅតម្កល់ទុកនៅក្រុមហ៊ុន «អូសប៊ន» មានទីតាំងនៅវត្តទឹកថ្លាដើម្បីរង់ចាំក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ