នៅចាំតារាចិនទាំង២ដួងនេះទេ បានប្រកាសលែងលះហើយ
ប្តីប្រពន្ធក្នុងមជ្ឈដ្ឋានសម្តែងរបស់ចិនលោក Liu Kai Wei អាយុ៤៤ឆ្នាំ និងនាង Yang Mi អាយុ៣២ឆ្នាំ បានប្រកាសលែងលះក្រោយពីរៀបការអស់រយៈពេល៥ឆ្នាំ…
ប្តីប្រពន្ធក្នុងមជ្ឈដ្ឋានសម្តែងរបស់ចិនលោក Liu Kai Wei អាយុ៤៤ឆ្នាំ និងនាង Yang Mi អាយុ៣២ឆ្នាំ បានប្រកាសលែងលះក្រោយពីរៀបការអស់រយៈពេល៥ឆ្នាំ ។ ប្រភពព័ត៌មានបញ្ជាក់ថា តាំងពីឆ្នាំ២០១៣មក ពួកគេស្ទើរតែគ្មានឱកាសបាននៅរួមគ្នា ព្រោះរវល់តែការងារ ។
របាយការណ៍បញ្ជាក់ថា អ្នកទាំង២បានស្រឡាញ់គ្នាក្នុងពេលថតរឿង «Ru Yi» នៅឆ្នាំ២០១១ លុះដល់ឆ្នាំ២០១៣ទើបរៀបការរស់នៅរួមគ្នា និងមានកូននៅឆ្នាំ២០១៤ ។ មួយរយៈពេលកន្លងមកនេះរមែងមានពាក្យចចាមអារ៉ាមថាអ្នកទាំង២បានលែងលះគ្នាតាំងពីឆ្នាំ២០១៦ នៅពេលមានអ្នកជំនិតបានប្រទះឃើញខាងបុរសចូលក្នុងសណ្ឋាគាររយៈពេល៤ម៉ោងជាមួយតារាសម្តែងម្នាក់ ប៉ុន្តែនៅពេលនោះនាងយ៉ាង មុី បានបញ្ជាក់ពីការមានទំនុកចិត្តលើប្ដីដើម្បីលុបចោលពាក្យចចាមអារ៉ាមទាំងនោះ ។
ប្រភពដដែលបញ្ជាក់ថា អាពាហ៍ពិពាហ៍របស់អ្នកទាំង២ ហាក់ដូចជាមានបញ្ហា ព្រោះម្នាក់ៗរវល់លើរឿងការងារ រៀងៗខ្លួន រួមទាំងបានប្រកាសថាពួកគេបានលែងលះជាផ្លូវការ ។ ទោះបីជាចែកផ្លូវគ្នា ប៉ុន្តែពួកគេរួមគ្នាចិញ្ចឹមកូន ៕
ចែករំលែកព័តមាននេះ