ទីក្រុងរុស្ស៊ីមានការបំពុលខ្លាំង ដល់ថ្នាក់លួចបា.ញ់ថ្នាំលើព្រិល (មានវីដេអូ)
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ទីក្រុង Mysky របស់ប្រទេសរុស្ស៊ី ដែលស្ថិតនៅតំបន់…
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ទីក្រុង Mysky របស់ប្រទេសរុស្ស៊ី ដែលស្ថិតនៅតំបន់…
រុស្ស៊ី ៖ តាមប្រភពព័ត៌មាន Oddity Central បានឲ្យដឹងថា ទីក្រុង Mysky របស់ប្រទេសរុស្ស៊ី ដែលស្ថិតនៅតំបន់ Kemerovo បានឡើងល្បីនៅក្នុងបណ្តាញសង្គម ដោយសារតែលួចបាញ់ថ្នាំពណ៌សទៅលើព្រិលដែលបានធ្លាក់ ដើម្បីបន្លំភ្នែកមហាជនកុំឲ្យអាក្រក់មើល។
សារព័ត៌មានរបស់រុស្ស៊ីបានប្រាប់ឲ្យដឹងថា គេពិតជាបានបាញ់ថ្នាំពណ៌សទៅលើព្រិល ដែលបានធ្លាក់នៅក្នុងទីក្រុង Mysky ពិតមែន ក្រោយពីមានការបង្ហោះវីដេអូចូលក្នុង YouTube។ ស្ត្រីម្នាក់ឈ្មោះ Svetlana Zelenina ដែលជាម្ចាស់វីដេអូ បានបង្ហាញពីព្រិលដែលមានបាញ់ពណ៌ តាមរយៈការយកម្រាមដៃទៅប៉ះព្រិលនោះ។ នាងជឿជាក់ថា វាជាថ្នាំប្រភេទរាវៗដូចទឹក ដែលអាចចូលពណ៌ជាមួយនឹងព្រិលបាន។ រាល់ពេលដែលប៉ះវា វានឹងប្រឡាក់ពេញដៃ។
នាងបាននិយាយថា៖ «អ្នកអាចមើលឃើញស្នាមថ្នាំហ្នឹង ដោយសារតែវាស្អិតជាប់ដៃ។ ដោយសារតែថ្នាក់ដឹកនាំទីក្រុងនេះ មិនអាចរកព្រិលល្អមកពីណា ដើម្បីមកតាំងលម្អក្រុង ទើបគេសម្រេចចិត្តយកថ្នាំមកបាញ់បែបនេះទៅ»។
លោកចៅហ្វាយក្រុង Dmitry Ivanov បានថ្លែងនៅកាលពីម្សិលមិញថា៖ «ខ្ញុំសុំអភ័យទោសដល់មនុស្សទាំងអស់ក្នុងទីក្រុង ដែលរឿងនេះបានធ្វើឲ្យខូចអារម្មណ៍របស់អ្នកទាំងអស់មុនពេលចូលឆ្នាំថ្មី»៕ ប្រភពវីដេអូឃ្លីបដកស្រង់ចេញពីបរទេស
ចែករំលែកព័តមាននេះ