រាជធានីភ្នំពេញ ៖ គណបក្សគណបក្សប្រជាជនកម្ពុជាដែលជាបក្សកាន់អំណាចបានសម្រេចជ្រើសរើសសមាជិកគណៈអចិន្ត្រៃយ៍ចំនួន៧រូបថ្មីបន្ថែម ពីលើកសមាជិកបច្ចុប្បន្ន ។ ការជ្រើសរើសនេះធ្វើឡើងក្នុងសន្និបាតគណបក្សលើកទី៤១ នៅថ្ងៃទី៣ ដែលជាថ្ងៃចុងក្រោយនេះ ដោយបានសម្រេចជ្រើសយកលោក ហ៊ុន…
រាជធានីភ្នំពេញ ៖ គណបក្សគណបក្សប្រជាជនកម្ពុជាដែលជាបក្សកាន់អំណាចបានសម្រេចជ្រើសរើសសមាជិកគណៈអចិន្ត្រៃយ៍ចំនួន៧រូបថ្មីបន្ថែម ពីលើកសមាជិកបច្ចុប្បន្ន ។
ការជ្រើសរើសនេះធ្វើឡើងក្នុងសន្និបាតគណបក្សលើកទី៤១ នៅថ្ងៃទី៣ ដែលជាថ្ងៃចុងក្រោយនេះ ដោយបានសម្រេចជ្រើសយកលោក ហ៊ុន ម៉ាណែត ដែលជាកូនប្រុសច្បងស ម្តេចតេជោ ហ៊ុន សែន និងមន្ត្រីជាន់ខ្ពស់៦រូបផ្សេងទៀតធ្វើជាសមាជិកគណៈអចិន្ត្រៃយ៍ ។
យោងតាមគេហទំព័រផ្លូវរបស់គណបក្សប្រជាជនកម្ពុជាចេញផ្សាយនៅថ្ងៃទី២០ ធ្នូ បានឲ្យដឹងថា សមាជិកអចិន្ត្រៃយ៍ថ្មីទាំង៧រូបនោះរួមមាន១៖ លោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ។ ២ ៖ លោកប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ។ ៣៖ លោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ។ ៤៖ លោក វង្ស ពិសេន អគ្គមេបញ្ជាការកងយោធពលខេមរភូមិន្ទ ។ ៥៖ លោក សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ។ ៦៖ លោក ឥត សារ៉ាត់ នាយសេនាធិការចម្រុះ កងយោធពលខេមរភូមិន្ទ ។ ៧៖ លោក ហ៊ុន ម៉ាណែត មេបញ្ជាការកងទ័ពជើងគោក ។
សូមជម្រាបថា សន្និបាតគណៈកម្មាធិការកណ្តាលលើកទី៤១ អាណត្តិទី៥ របស់គណបក្សប្រ ជាជនកម្ពុជា គឺមានរយៈពេលបីថ្ងៃចាប់ពីថ្ងៃទី១៨ -១៩-២០ ខែធ្នូ ឆ្នាំ២០១៨ នៅមជ្ឈមណ្ឌលសន្និបាត និងពិព័រណ៍កោះពេជ្រក្នុងរាជធានីភ្នំពេញ ដោយមានសមាជិក -សមាជិការចូលរួមជាង១ពាន់នាក់ ។
ក្នុងន័យនេះអង្គសន្និបាតរបស់បក្សប្រជាជន និងពិភាក្សាស៊ីជម្រៅលើបញ្ហាសំខាន់ៗរួមមាន ទី១ ឆ្លង និងអនុម័តលើសេចក្ដីសម្រេចរបាយការណ៍ទូទៅ និងការងារគណបក្សឆ្នាំ២០១៨ និងទិសដៅភារកិច្ច ឆ្នាំ២០១៩ ទី២ គឺការបោះឆ្នោតជ្រើសតាំងបន្ថែមសមាជិក និងជ្រើសតាំង ប្រធានគណៈកម្មាធិការត្រួតពិនិត្យនៃគណៈកម្មាធិការកណ្ដាល ទី៣ គឺការបោះឆ្នោតជ្រើ សតាំងបំពេញបន្ថែមសមាជិកគណៈអចិន្ត្រៃយ៍នៃគណៈកម្មាធិការកណ្ដាលមួយចំនួន ។
សូមបញ្ជាក់ថា បន្ទាប់ពីបញ្ចូលសមាជិកអចិន្ត្រៃយ៍ថ្មីទាំង៧រូបនេះពេលនេះគណបក្សប្រជាជនកម្ពុជាដែលជាគណបក្សកាន់អំណាចមានសមាជិកចិន្ត្រៃយ៍សរុបទាំងអស់ចំនួន៣៧រូប និងមានសមាជិកគណៈកម្មាធិការកណ្តាលចំនួន៨៦៥រូបផងដែរ ៕
ចែករំលែកព័តមាននេះ