អ្នកចូលចិត្តទប់ទឹកនោមប្រយ័ត្នណា៎… ធំប៉ុនពងអូទ្រីស!!!
ចិន ៖ តាមប្រភពព័ត៌មាន Metro បានឲ្យដឹងថា គ្រាប់គ្រួសក្នុងប្លោកនោម ដែលមានទំហំប៉ុនពង របស់សត្វអូទ្រីស ត្រូវបានវះកាត់យកចេញ ដោយគ្រូពេទ្យនៅប្រទេសចិន។…
ចិន ៖ តាមប្រភពព័ត៌មាន Metro បានឲ្យដឹងថា គ្រាប់គ្រួសក្នុងប្លោកនោម ដែលមានទំហំប៉ុនពង របស់សត្វអូទ្រីស ត្រូវបានវះកាត់យកចេញ ដោយគ្រូពេទ្យនៅប្រទេសចិន។ វាពិតជាធំខ្លាំងណាស់ ដែលសូម្បីតែគ្រូពេទ្យក៏មិនដែលជួបពីមុនមកដែរ។
អ្នកជំងឺអាយុ៥៥ឆ្នាំ ត្រកូល Zhou ដែលរស់នៅក្នុងខេត្ត Wuhan ប្រទេសចិន មានអាការៈឈឺចាប់នៅក្នុងប្លោកនោមតាំងពីខែមិថុនាមកម្ល៉េះ។ ដោយសារតែទ្រាំមិនបាន គាត់ក៏មកជួបគ្រូពេទ្យនៅមន្ទីរពេទ្យ Wuhan Jingdu Hospital។
មកដល់ពេទ្យ គេបានរកឃើញថា មានគ្រាប់គ្រួសនៅក្នុងប្លោកនោម ដែលមានទំហំដល់ទៅ១៣សង់ទីម៉ែត្រ ហើយត្រូវធ្វើការវះកាត់ជាបន្ទាន់។
លោកគ្រូពេទ្យ Wang Hui បានប្រាប់ថា វាមានទំហំប៉ុនពងរបស់សត្វអូទ្រីស ដែលនៅណែនពេញក្នុងប្លោកនោមតែម្តង។ លោកបានបន្តថា ប្រសិនបើមិនវះកាត់យកវាចេញទេ វានឹងបណ្តាលឲ្យខូចតម្រងនោម។
មូលហេតុដែលបង្កឲ្យមានគ្រួសក្នុងប្លោកនោមបែបនេះ បើតាមសម្តីរបស់លោកគ្រូពេទ្យ គឺមកពីទម្លាប់មិនសូវផឹកទឹក អង្គុយយូរពេក និងចូលចិត្តទប់ទឹកនោម៕
ចែករំលែកព័តមាននេះ