រាជធានីភ្នំពេញ ៖ អ្នកនាង ខាត់ សុឃីម ដែលធ្លាប់រួមសម្តែងជាមួយតារាកំប្លែងកំប៉ោយ ចៅតា មានការសង្វេគណាស់ នៅពេលឃើញសភាពជំងឺកាន់តែយ៉ាប់យឺន រហូតអ្នកនាងចេញមុខសុំឲ្យបងប្អូនទាំងអស់ជួយគាត់ផង ដល់ដំណាក់កាលលាងឈាម។
តារាកំប្លែងដែលទស្សនិកជនបានស្គាល់តាំងពីតូចតាមរយៈការសម្តែងតួអាប៉ោយចៅតា កាលពីអំឡុងឆ្នាំ២០០៥-២០០៦ បានធ្លាក់ខ្លួនឈឺធ្ងន់ ។ ក្នុងស្ថានភាពបែបនេះ គេបានដាច់ចិត្តលើកដៃសុំការជួយឧបត្ថម្ភពីសប្បុរសជន ។ អាប៉ោយចៅតា ត្រូវទស្សនិកជនធ្លាប់បានស្គាល់កាលពីអំឡុងឆ្នាំ២០០៥-២០០៦ តាមរយៈផលិតកម្មសាន់ដេ និងការសម្តែងនៅស្ថានីយទូរទស្សន៍នានាផងដែរ ។ តារាកំប្លែងរូបនេះជាតួអង្គប្រចាំកម្មវិធីផ្ទះសំណើច នៅស្ថានីយទូរទស្សន៍បាយ័នជាមួយនាយចាបចៀន ។
អ្នកនាង ខាត់ សុឃីម បានប្រកាសលើបណ្តាញសង្គមរបស់អ្នកនាងថា៖ «កំប៉ោយ ចៅ តា ឈឺធ្ងន់ណាស់ សូមបងប្អូនរួមអាជីពមកសួរសុខទុក្ខគាត់ និងជួយគាត់ផង ។ មើលទៅកាន់តែធ្ងន់ធ្ងរហើយ ជាពិសេសបងប្អូនសិល្បករដែលរួមសំដែងជាមួយគាត់ សូមមកសួរគាត់ផង ព្រោះគាត់សួររក។
អ្នកនាងខាត់ សុឃីម បន្តថា 😤😤 ឆ្លៀតពេលនេះ ក៏សូមប្រាប់មូលហេតុនឹងស្ថានភាពជំងឺគាត់ ៖ កាលពីក្មេងគាត់ធ្លាប់ម៉ូតូរ៉ឺម៉ក់បើកបុកកិនជើងខាងស្តាំ ហើយប៉ះតំរង់នោមនឹងក្រលៀន បណ្ដាលឱ្យហើមជើង និងនោមមិនចេញ។
អ្នកនាង ខាត់ សុឃីម បន្តទៀតថា តែពេលនោះក៏បានមន្ទីពេទ្យគន្ធាបុប្ផាជួយសង្គ្រោះឱ្យមានសភាពធម្មតាវិញ ហើយក៏លែងចាប់អារម្មណ៍ ព្រោះគិតថាមិនអី តែមិននឹកស្មានថាមកដល់ពេលនេះជំងឺវាបានធ្វើទុក្ខឡើងវិញ ដែលបណ្ដាលឱ្យខូចតំរង់នោម និងក្រលៀន ឈានដល់ដំណាក់កាលលាងឈាម ឥឡូវគាត់សំរាកនៅពេទ្យព្រះកេតុមាលា (ពេទ្យទាហាន) អគារពិគ្រោះជំងឺទូទៅ បន្ទប់លេខ02 Tel: 015 226 221 ជាចុងក្រោយសូមបងប្អូនជួយគាត់ផង» ។
ចែករំលែកព័តមាននេះ