សទ្ធាប្រែដូចម្តេច? បានសេចក្តីយ៉ាងណា? សទ្ធាប្រែថា សេចក្តីជឿ គឺជឿចំពោះរបស់ដែលគួរជឿ ជាឈ្មោះរបស់លោភណចេតសិកតែងប្រព្រឹត្តទៅក្នុងអត្ថច្រើនប្រការ។ ព្រោះហេតុដូច្នោះ ទើបលោកពោលថា សេចក្តីជឿក្នុងរបស់ដែលមិនគួរជឿនឹងបានឈ្មោះថា សទ្ធាក៏ទេដែរ…
សទ្ធាប្រែដូចម្តេច? បានសេចក្តីយ៉ាងណា? សទ្ធាប្រែថា សេចក្តីជឿ គឺជឿចំពោះរបស់ដែលគួរជឿ ជាឈ្មោះរបស់លោភណចេតសិកតែងប្រព្រឹត្តទៅក្នុងអត្ថច្រើនប្រការ។ ព្រោះហេតុដូច្នោះ ទើបលោកពោលថា សេចក្តីជឿក្នុងរបស់ដែលមិនគួរជឿនឹងបានឈ្មោះថា សទ្ធាក៏ទេដែរ លុះណាតែជឿក្នុងរបស់ដែលគួរជឿមែនៗពិតៗ ទើបឈ្មោះថាសទ្ធាក្នុងទីនេះ។
មួយយ៉ាងទៀត សទ្ធាក្នុងទីនេះលោកចែកចេញជា២ប្រការគឺ កម្មស្សកតាសទ្ធា១ តថាគតពោធិសទ្ធា១។ កម្មស្សកតាសទ្ធា គឺជឿថាសត្វមានកម្មគឺ បុណ្យ បាប ល្អ អាក្រក់ ជារបស់នៃខ្លួន។ កម្មស្សកតាសទ្ធានេះចែកចេញជាពីរយ៉ាងគឺ កម្ម១ វិបាក១។
កម្មគឺបុណ្យឬបាប ដែលបុគ្គលបានធ្វើទុក ឯវិបាកគឺផលរបស់កម្មនោះនោះដែលត្រូវទទួលជាខាងក្រោយ។ រួមសេចក្តីមក ការជឿថា សត្វមានកម្មជារបស់ខ្លួនៗដែលបានធ្វើទុកហើយ ក៏នឹងត្រូវបានសោយផលរបស់កម្មនោះៗយ៉ាងពិតប្រាកដ ។
ចំណែកតថាគតពោធិសទ្ធា គឺសេចក្តីជឿក្នុងពោធិញ្ញាណ ជឿលើការត្រាស់ដឹងរបស់ព្រះតថាគតជាម្ចាស់ថាព្រះអង្គពិតជាបានត្រាស់ដឹងធម៌ក្នុងលោកមែន លោកហៅថា តថាគតពោធិសទ្ធា ។
សទ្ធាមានសេចក្តីដូចបកស្រាយមកនេះ បើមានក្នុងសន្តាននៃបុរសបុគ្គលណា ក៏ឈ្មោះថាជាសម្លាញ់របស់បុរសបុគ្គលនោះ បើនិយាយដោយចំពោះ គឺបុគ្គលដែលមានសទ្ធា ក៏ឈ្មោះថាមានខ្លួនជាសម្លាញ់របស់ខ្លួននោះឯង ។
ចែករំលែកព័តមាននេះ