​រាជធានី​ភ្នំពេញ​៖ ក្រុមហ៊ុន LION CORPORATION (THAILAND) LTD បាន​បន្ត​យុទ្ធនាការ​សប្បុរស​ធម៌ «3L សម្រាប់​កុមារ​កម្ពុជា​» ជា​ថ្មី​ម្តងទៀត​របស់​ខ្លួន ដែល​យុទ្ធនាការ​នេះ​បាន​ធ្វើ​ឲ្យ​មានការ​ផ្លាស់​ប្តូរ​ដ៏​គួរ​ឲ្យ​ភ្ញាក់ផ្អើល បើ​ធៀប​ទៅ​នឹង​ឆ្នាំ​មុន​។​

​ជាក់ស្តែង​កាលពី​ថ្ងៃ​ទី ០៥ ខែធ្នូ ឆ្នាំ​២០១៨ នេះ​ក្រុមហ៊ុន LION CORPORATION (THAILAND) LTD និង​ក្រុមហ៊ុន​ចែកចាយ TSNR Co., Ltd បាន​ធ្វើការ​បរិច្ចាគ​ថវិកា​ពី​យុទ្ធនាការ​សប្បុរសធម៌ «3L សម្រាប់​កុមារ​កម្ពុជា​» រដូវ​កាល​ទី ៣ ទៅ​អង្គការ​ស្នាមញញឹម​កម្ពុជា ចំនួន ៤០ លាន​រៀល ដើម្បី​រួម​ចំណែក​ក្នុង​ការ​ផ្គត់ផ្គង់​កុមារ​កម្ពុជា​ដែល​ខ្វះខាត គ្មាន​ទីពឹង ដើម្បី​អោយ​ពួក​គេ​មានឱកាស​ទទួល​បានការ​ព្យាបាល ថែទាំ និង​មាន​ស្នាមញញឹម​ជា​ថ្មី មាន​ភាព​ក្លាហាន​ចូលរួម​ក្នុង​សង្គម​។ ហើយ​ក្នុងឆ្នាំនេះ​ការ​បរិច្ចាគ​ថវិកា​ទាំងអស់​ត្រូវ​បាន​ធ្វើ​ឡើង​ដោយ​មានការ​ចូលរួម​សហការ​គ្នា​រវាង​អ្នកគាំទ្រ​ទំព័រ​ហ្វេ​ស​ប៊ុ​ក​របស់ «​ស៊ូ​គូ​ប៊ូ​ស៊ុ​», «Hi-Herb» និង KODOMO (​កូ​ដូ​មុ​)​ផង​ដែរ​។​

​គំនិត​ផ្តួចផ្តើម និង​ចក្ខុវិស័យ​នៃ​យុទ្ធនាការ​សប្បុរសធម៌ 3L (Life.Love.Laugh) សម្រាប់​កុមារ​កម្ពុជា​គឺ​ក្នុង​គោលបំណង​ធ្វើ​ឲ្យ​គុណភាព​នៃ​ជីវិត របស់​ពួក​គេ មាន​លក្ខណៈ​កាន់តែ​ប្រសើរ​ឡើង​ក្នុង​សង្គម​កម្ពុជា​ដោយ​ផ្តល់​នូវ​សេចក្តី​ស្រឡាញ់​ចំពោះ​គ្នា​ទៅ​វិញ​ទៅ​មក​។ ពីព្រោះ​សេចក្តី​ស្រឡាញ់​មាន​អត្ថន័យ​ធំធេង​ខ្លាំង​ណាស់ និង​មិន​អាច​កាត់ថ្លៃ​បាន​ដែល​ជា​ផ្នែក​មួយ​ដ៏​សំខាន់​បំផុត​ក្នុង​ការ​ផ្តល់​ជូន​នូវ​ស្នាមញញឹម​ចំពោះ​យើង​ទាំងអស់​គ្នា​។​

​គួរ​រំឭក​ផង​ដែរ​ថា​ក្រុមហ៊ុន LION CORPORATION (THAILAND) LTD គឺជា​ក្រុមហ៊ុន​មួយ​ដែល​មាន​ភាព​ល្បីល្បាញ និង​ទទួល​បានការ​គាំទ្រ​យ៉ាងច្រើន​បំផុត​ក្នុង​ការ​ផលិត​នូវ​ផលិតផល​ប្រើប្រាស់​ក្នុង​គេហដ្ឋាន​ដែល​មានគុណ​ភាពល្អ​ជា​ច្រើន​ប្រភេទ​មាន​ដូច​ជា​ផលិតផល សាប៊ូ​ដុស​ខ្លួន ស៊ូ​គូ​ប៊ូ​ស៊ុ ហ្វូ​ម​លាងមុខ ស៊ូ​គូ​ប៊ូ​ស៊ុ ឡេ​លាប​ខ្លួន ស៊ូ​គូ​ប៊ូ​ស៊ុ ផលិតផល​ថែរក្សា​មាត់​ធ្មេញ​ដូច​ជា​ថ្នាំដុសធ្មេញ ច្រាស​ដុស​ធ្មេញ​ម៉ាក Hi-Herb ព្រមទាំង​ផលិតផល​សម្រាប់​ទារក ម៉ាក កូ​ដូ​មុ ផង​ដែរ​៕ ដោយ​សហ​ការ