ប្រទេសយេម៉ែន ៖ ដំបូងនឹកស្មានមិនដល់ ពួកឧទ្ទាមហ៊ូធីយេម៉ែន ចាប់តាំងពីជិត៤ឆ្នាំមកហើយនៅតែអាចទប់ទល់បានចំពោះកម្លាំងយោធាចម្រុះដ៏ខ្លាំងដឹកនាំដោយអារ៉ាប៊ីសាអ៊ូឌីត ដោយពឹងលើសម្ព័ន្ធភាពជាមួយពួកកុលសម្ព័ន្ធ បណ្ដាគ្រឿងអាវុធដែលវាយយកបានពីពួកយោធា ព្រមទាំងបទពិសោធន៍ធ្វើសង្គ្រាមទ័ពព្រៃរបស់ពួកគេផ្ទាល់។
ពួកឧទ្ទាមនោះជួយទ្រទ្រង់ដោយអីុរ៉ង់ ជាគូប្រជែងធំបំផុតរបស់អារ៉ាប៊ីសាអ៊ូឌីត។ នាខែកក្កដាឆ្នាំ២០១៤ពួកគេ បានបើកការវាយលុកចេញពីទីតាំងរបស់ពួកគ នាភាគខាងជើងប្រទេស ដែលអាចឲ្យពួកគេដណ្ដើមយកបានដែនដីដ៏ធំទូលាយ ហើយនាខែមករាឆ្នាំ២០១៥ចូលត្រួតត្រារដ្ឋធានីសាណាទាំងស្រុង។ ក្រុមចម្រុះយោធាអារ៉ាប់បានហក់ជួយធ្វើ្វអន្តរាគមន៍នាខែមីនាឆ្នាំ២០១៥ ដើម្បីជួយដល់រដ្ឋអំណាចបញ្ឈប់ការរុលទៅមុខយ៉ាងលឿនរបស់ពួកហ៊ូធី។
តើពួកហ៊ូធីមានប្រភពពីណាមក?
ពួកឧទ្ទាមនោះហៅពួកហ៊ូធី គឺជាឈ្មោះរបស់មេដឹកនាំពួកគេ លោកបាត្រអេដឌីនអាល់ហ៊ូធី និងកូនប្រុសលោកហ៊ូសេន ដែលត្រូវសម្លាប់ដោយកងទ័ពយេម៉ែនកាលពីឆ្នាំ២០០៤។ ពួកគេជ្រើសរើសមកពីពួកអ្នកកាន់លទ្ធិសាសនាហ្សាអីុឌីសជាក្រុមស៊ីអីុតស្និទ្ធស៊ុននីត។ ពួកឧទ្ទាមទាំងនេះ បង្កើតចលនាមួយហៅចលនា ANSARULLAH ជាចលនាបន្តពីចលនាពួកយុវជនចិត្តស្មោះសរ HARAKAT CHABAB AL MOUMEN ករកើតកាលពីឆ្នាំ១៩៩២ ដើម្បីតវ៉ាប្រឆាំងការរើសអើងប្រឆាំងពួកហ្សាអីុឌីត ដែលតំណាងឲ្យ៣០%នៃប្រជាជនយេម៉ែន។
ពួកហ៊ូធីបានភ្ជាប់ទំនាក់ទំនងរឹងមាំជាមួយពួកកុលសម្ព័ន្ធស៊ុននីត ដែលប្រទូស្តរ៉ាយជាមួយសហព័ន្ធកុលសម្ព័ន្ធ HACHED ជាក្រុមដ៏ខ្លាំងមួយនៅភាគខាងជើងប្រទេស ហើយដែលផ្ដល់ឲ្យពួកគេមេដឹកនាំនយោបាយសំខាន់ៗ រហូតដល់ទសវត្សឆ្នាំ២០១០។ ពួកគេអាចកែលម្អមុខមាត់ដោយចូលរួមយ៉ាងសកម្មក្នុងការតវ៉ាប្រឆាំងអតីតប្រធានាធិបតី លោកអាប់ដាល់ឡាហ៍សាឡេហ៍ នាឱកាសនៃនិទាឃរដូវអារ៉ាប់ឆ្នាំ២០១១។
ពួកហ៊ូធីភាគច្រើនមកពីភាគខាងជើងប្រទេស ដែលនៅទីនោះពួកគេស្គាល់ទីលានច្បាស់ ប៉ុន្តែបានសហការជាមួយពួកកុលសម្ព័ន្ធមូលដ្ឋាន។ ពួកកុលសម្ព័ន្ធយេម៉ែនជាប្រពៃណីមានអាវុធគ្រប់គ្រាន់។ ពួកឧទ្តាមអាចពឹងពាក់កាន់តែខ្លាំងលើបណ្ដាគ្រឿងសព្វាវុធដែលដណ្ដើមយកបានពិីកងទ័ព ក្នុងនោះមានរថក្រោះនិងបណ្ដាមីស៊ីលបាលីស្ទិក។
អ្នកនាំពាក្យម្នាក់របស់កងទ័ពរដ្ឋាភិបាលគាំទ្រដោយសហគមន៍អន្តរជាតិអះអាងថា និយាយពីអាវុធ ពួកហ៊ូធីបានមកពីអាវុធស្តុករបស់កងទ័ព ពេលពួកគេដណ្ដើមយកបាន ក្រោយពួកគេលុកចូលទីក្រុងសាណានាខែកញ្ញាឆ្នាំ២០១៤៕
ចែករំលែកព័តមាននេះ