ខេត្តកណ្ដាល ៖ សេចក្តីរាយការណ៍បានឲ្យដឹងថា កាលពីវេលាម៉ោង៨ព្រឹកថ្ងៃទី២៩ វិច្ឆិកា ឆ្នាំ២០១៨ មានករណីក្មេងប្រុសម្នាក់បានលង់ទឹកស្លាប់ នៅចំណុចបឹងត្បូង ភូមិព្រែកតាទន់ ឃុំព្រះប្រសប់…
ខេត្តកណ្ដាល ៖ សេចក្តីរាយការណ៍បានឲ្យដឹងថា កាលពីវេលាម៉ោង៨ព្រឹកថ្ងៃទី២៩ វិច្ឆិកា ឆ្នាំ២០១៨ មានករណីក្មេងប្រុសម្នាក់បានលង់ទឹកស្លាប់ នៅចំណុចបឹងត្បូង ភូមិព្រែកតាទន់ ឃុំព្រះប្រសប់ ស្រុកខ្សាច់កណ្តាល ខេត្តកណ្តាល ។
ជនរងគ្រោះដែលស្លាប់ឈ្មោះ ហាក់ គឹមឈែ ភេទប្រុស អាយុ១០ឆ្នាំ ជាសិស្ស មានទីលំនៅភូមិព្រះប្រសប់ ឃុំព្រះប្រសប់ ស្រុកខ្សាច់កណ្ដាល ខេត្តកណ្ដាល មានម្តាយឈ្មោះ លីន ឈួហ្គេក អាយុ៤៨ ឆ្នាំ មុខរបរកសិករ ។
តាមសាក្សីក្មេងៗជាកូនអ្នកស្រុកភូមិជាមួយគ្នាបានរៀបរាប់ឲ្យដឹងថា នៅវេលាម៉ោងខាងលើ ជនរងគ្រោះនិងក្មេងជាច្រើននាក់ បាននាំគ្នាទៅជិះទូកលេង នៅចំណុចបឹងខាងត្បូងភូមិព្រែកតាទន់ ឃុំព្រះប្រសប់នោះ ។ ពេលកំពុងជិះទូកនៅកណ្តាលបឹង ជនរងគ្រោះ និងមិត្តភក្តិបានប្រលែងគ្នាលេង បណ្តាលឲ្យលិចទូកចូលទៅក្នុងទឹក ហើយជនរងគ្រោះក៏លង់បាត់ ។
ពេលនោះក្មេងៗមួយចំនួនបានហែលឡើងទៅលើគោក ហើយបានហៅមនុស្សជាច្រើនទៅជួយរាវរកជនរងគ្រោះ រហូតដល់ម៉ោងជាង៣រសៀលថ្ងៃដដែល ទើបរកឃើញជនរងគ្រោះ តែជនរងគ្រោះបានស្លាប់បាត់បង់ជីវិតទៅហើយ រួចក៏បានផ្តល់ព័ត៌មាននេះទៅសមត្ថកិច្ចមូលដ្ឋានឲ្យដឹង ។ បន្ទាប់មកសមត្ថកិច្ចបានចុះទៅពិនិត្យសព ហើយបានប្រគល់សពឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ