ជិត៦០លានរៀល គ្រាន់តែប្រាក់ផាកពិន័យពីអ្នកជិះមិនគោរពច្បាប់ចរាចរណ៍
- ភ្នំពេញ
រាជធានីភ្នំពេញ ៖ ក្នុងរយៈពេលត្រីមាសទី៣ឆ្នាំ២០១៨នគបាលចរាចរណ៍ផ្លូវគោកបានពិន័យប្រាក់ពីអុ្នកមិនគោរពច្បាប់ចរាចរណ៍ផ្លូវគោកបានចំនួន៥៩៣.៨៤៥.០០០រៀល (ប្រាំរយកៅសិបបីលានប្រាំបីរយសែសិបប្រាំពាន់រៀល) ខណៈចំនួនគ្រោះថ្នាក់បានកើតឡើងចំនួន៧៤៥លើកបណ្តាលឲ្យមនុស្សស្លាប់៣៨៣នាក់ និងរបួសចំនួន១០២៨នាក់ បើធៀបនឹងត្រីមាសទី២ គ្រោះថ្នាក់ថយចុះ៦៩ លើកស្មើ៨% ។ នេះបើតាមរបាយការណ៍របស់គណៈកម្មាធិការជាតិសុវត្ថិភាពចរាចរណ៍ផ្លូវគោក…
យោងតាមរបាយការណ៍អានដោយលោកស្រី មឹន មាណវី អគ្គលេខាធិការគណៈកម្មាធិការជាតិសុវត្ថិភាពចរាចរណ៍ផ្លូវគោកក្នុងកិច្ចប្រជុំបូកសរុបការងារលទ្ធផលការងារសុវត្ថិភាពចរាចរណ៍ផ្លូវគោកប្រចាំត្រីមាសទី៣ ឆ្នាំ២០១៨ នារសៀលថ្ងៃទី២៧ ខែវិច្ឆិកា ឆ្នាំ២០១៨ នៅទីស្តីការ ក្រសួងក្រោមអធិបតីភាពលោក ស៊ុន ចាន់ថុល ទេសរដ្ឋមន្ត្រីក្រសួងសាធាណៈការ និងដឹកជ ញ្ជូនបានឲ្យដឹងថាគ្រោះថ្នាក់ចរាចរណ៍ក្នុងត្រីមាសទី៣ ឆ្នាំ២០១៨ បានកើតឡើងចំនួន៧៤៥ លើក បណ្តាលឲ្យស្លាប់ចំនួន៣៨៣នាក់ និងរបួសចំនួន១០២៨នាក់ (របួសធ្ងន់ ចំនួ ន៦៩២ នាក់ និងរបួសស្រាលចំនួន៣៣៦នាក់) ៕
ចែករំលែកព័តមាននេះ