តាមប្រភពពី Shanghaiistឱ្យដឹងថា បុរសម្នាក់ត្រូវពស់ចឹកស្លាប់ក្នុងសណ្ឋាគារ ក្រោយពីយកវាទៅគំរាមស្រីស្អាតម្នាក់ ដើម្បីឱ្យរួមភេទជាមួយ ។
រឿងហេតុនេះ បានកើតឡើងកាលពីព្រឹកថ្ងៃទី២២ វិច្ឆិកា ស្ថិតក្នុងសណ្ឋាគារមួយ ក្នុងទីក្រុង Fuzhou ខេត្ត Jiangxi ។ ការស្លាប់របស់បុរសខាងលើនោះ ត្រូវបានរាយការណ៍ឱ្យប៉ូលិសដឹងតាមរយៈស្រីស្អាត ដែលដេកជាមួយគ្នានោះ ។
នាងបានប្រាប់ប៉ូលិសថា នាងត្រូវបានបុរសម្នាក់នោះ បង្ខំឱ្យរួមភេទជាមួយ ដោយប្រើប្រាស់សត្វពស់បីក្បាលមកគំរាមនាង ។ ហើយប្រសិនបើនាងមិនព្រមរួមភេទទេនោះ គេនឹងយកពស់ឱ្យចឹកស្លាប់ភ្លាម ។ តែអកុសល សម្រាប់បុរសល្មោភកាម ពស់នោះបានចឹកបុរសខាងលើនៅក្នុងបន្ទប់ទឹក ។
ប៉ូលិសកំពុងតែធ្វើការស៊ើបអង្កេតបន្ថែមពីលើករណីចម្លែកមួយនេះផងដែរ ។
ចែករំលែកព័តមាននេះ