ADផ្ទាំងផ្សព្វផ្សាយពាណិជ្ជកម្ម

Picture

ហេតុ​អ្វី​បានជា​កុងត្រា​ដំបូង​របស់ Messi នៅ Barca សរសេរ​លើ​កន្សែង​ជូត​មាត់?

5 ឆ្នាំ មុន

តាម​ប្រភព​ព័ត៌មាន Mirror បាន​ឲ្យ​ដឹង​ថា កុងត្រា​ដំបូង​ដែល Barca ឲ្យ Messi ចុះហត្ថលេខា​កាលពី​រូបគេ​នៅ​អាយុ​១៣​ឆ្នាំ គឺ​សរសេរ​លើ​កន្សែង​ជូត​មាត់ ដោយសារ​តែ​ហេតុផល​មួយ…

តាម​ប្រភព​ព័ត៌មាន Mirror បាន​ឲ្យ​ដឹង​ថា កុងត្រា​ដំបូង​ដែល Barca ឲ្យ Messi ចុះហត្ថលេខា​កាលពី​រូបគេ​នៅ​អាយុ​១៣​ឆ្នាំ គឺ​សរសេរ​លើ​កន្សែង​ជូត​មាត់ ដោយសារ​តែ​ហេតុផល​មួយ ។

កាល​ឆ្នាំ​២០០០ កីឡាករ​វ័យក្មេង​អាយុ​១៣​ឆ្នាំ Lionel Messi ត្រូវ​បាន​ក្លិប​អ្នកមាន​បុណ្យ​ទៅ​អ​ន្ទោ​ង​ហៅ​ដោយ​ឲ្យ​ចុះហត្ថលេខា​លើ​កន្សែង​មួយ ។ តាំងពី​ពេល​នោះ​មក​កីឡាករ​រូប​នេះ​នៅ​លេង​ឲ្យ Barcelona រហូត​មក​ដល់​សព្វថ្ងៃ​ដែល​រក​គ្រាប់​បាល់​ជូន​ក្រុម​មិន​តិច​ជាង​៥០០​គ្រាប់​នោះ​ទេ ។

កាលនោះ គឺ​លេខាធិការ​ខាង​បច្ចេកទេស​របស់ Barcelona លោក Carles Rexach មិន​ចង់​ចំណាយពេល​ច្រើន​ឥតប្រយោជន៍​ក្នុង​ការ​រក​ក្រដាស​ទៅ​ឲ្យ Messi ចុះ​កុងត្រា ។ ពេល​នោះ លោក និង Messi បាន​ណាត់គ្នា​ជួប​នៅ​ក្នុង​ភោជនីយដ្ឋាន​មួយ​ដោយ​មិន​បាន​យក​ក្រដាស​ទៅ​ទុក​មុន ។ ដោយសារ​តែ​ខ្លាច​របូត Messi ទៅ Real Madrid បាត់ លោក Rexach ក៏​សម្រេចចិត្ត​សុំ​ក្រដាស​ពី​ភោជនីយដ្ឋាន​នោះ ។ តែ​ខាង​ហាង​មិន​មាន​នោះ​ទេ ហើយ​ក៏​ឲ្យ​កន្សែង​ជូត​មាត់​មួយ​ដល់​ពួក​គេ​ទាំង​ពីរ ។

ដោយ​មិន​បង្អង់​យូរ អ្នក​ទាំង​ពីរ​ក៏​បាន​យល់ព្រម​គ្នា​នៅ​លើ​កន្សែង​មួយ​នោះ​ដែល Messi នៅ​បន្ត​លេង​ឲ្យ​ក្លិប​នេះ​តាំងពី​ពេល​នោះ​មក ៕

អត្ថបទសរសេរ ដោយ

កែសម្រួលដោយ