រាជធានីភ្នំពេញ៖ តារាសម្តែងដែលរំលេចចេញពីការប្រកួតហ្វ្រេសុី គឺអ្នកនាងប្រាសាទ ដាវីន បានបង្ហាញមុខជាថ្មីនៅកម្ពុជាបន្ទាប់ពីនាងចេញទៅរស់នៅអូស្ត្រាលីឮ។ ពេលនេះនាងបានចាប់អាជីពសិល្បៈឡើងវិញ ។ ប្រាសាទ ដាវីន បែកឆ្ងាយពីអ្នកគាំទ្រជិត១០ឆ្នាំដោយនាងចាកចេញទៅកាន់ប្រទេសអូស្ត្រាលី នាឆ្នាំ២០០៨ ។ នាងទើបតែចេញ ចូលស្រុកខ្មែរក្នុងអំឡុង២ឆ្នាំចុងក្រោយនេះ ។ប្រាសាទ ដាវីន នៅតែរក្សាសម្រេស់ស្រស់សោភា រាងស្រឡូន ញញឹមទាក់ទាញ ។
កាលពីពេល ថ្មីៗកន្លងមកប្រាសាទ ដាវីនបានប្រាប់អ្នកយកព័ត៌មានថាដោយសារតែបានចូលសញ្ជាតិអូស្ត្រាលីហើយនោះទើបនាងបានឱកាសមកលេងស្រុកកំណើតញឹកញាប់ ។ មក ម្តងៗក្រៅពីជួបជុំមិត្តភក្តិក៏មានអ្នកហៅឲ្យថតនេះថតនោះ ហើយនាងទទួលតាមដែលអាចធ្វើបាន ។ មានផលិតកម្មមួយចំនួនបានទាក់ទងហៅថតដោយសន្យាជួយឲ្យនាងល្បីដូចមុន ។
ការងារសិល្បៈ ប្រសាទ ដាវីន ថានាងធ្វើទៅតាមលទ្ឋភាពដោយពឹងលើការទំនេរប៉ុណ្ណោះហើយកន្លងមកបានថតច្រើនលើផ្នែកសំអាងការ។ ចំណែកចម្រៀងខារ៉ាអូខ េឬភាពយន្តនាងកំពុងតែពិចារណាឡើងវិញថាត្រូវបន្ត ឬបែបណាព្រោះនាងខ្លាចថតយូរប៉ះពាល់ពេលទៅអូស្ត្រាលីវិញ ។ នាងនៅតែបន្តសិល្បៈដដែលដោយសារតែពេញចិត្តនឹងអាជីពនេះប្រសិនបើមានការគាំទ្រ ។ រហូតមកទល់ពេលនេះប្រាសាទ ដាវីនអះអាងថា នាងមិនទាន់មានស្នេហានទេ។
ជាមួយនឹងរាងខ្ពស់ស្រឡះ រហូតដល់១,៧៥ម៉ែត្រ តារាសម្បុរស្រអែម និងមានទម្រង់មុខដូចនារីបែបបស្ចិមប្រទេស ប្រសាទ ដាវីន បានដើរលើវិថីសិល្បៈតាមរយៈការថតរូប និងការដើរបង្ហាញម៉ូដ ។ នៅអំឡុងពេលនោះ នាងល្បីឈ្មោះក្នុងពិភពសិល្បៈ ។ ប្រាសាទ ដាវីន មានឈ្មោះកំណើតវ៉ែន ដាវីន បានចូលប្រឡូកក្នុងវិស័យសិល្បៈ តាមរយៈការប្រឡងហ្វ្រេសុី ក្នុងឆ្នាំ២០០៥ ដែលកាលនោះនាងទទួលបានចំណាត់ថ្នាក់លេខ៣។
អ្វីដែលធ្វើឲ្យប្រាសាទ ដាវីន ត្រូវឃ្លាតឆ្ងាយពីសិល្បៈរហូតមកដល់សព្វថ្ងៃនេះ ព្រោះតែមានបញ្ហាសុវត្ថិ ភាពផ្ទាល់ខ្លួន នាឆ្នាំ២០០៨ ។ ប្រាសាទ ដាវីន ភៀសខ្លួនចេញទៅរស់នៅប្រទេសអូស្ត្រាលី នោះ នាងថាដោយសារតែភ័យខ្លាចពីសុវត្ថិភាពផ្ទាល់ខ្លួន ព្រោះមានគេខ្ចប់កាដូជាគ្រាប់បែកផ្ញើជូនដល់ផ្ទះ ។ តាំងពីពេលនោះមករយៈពេល១០ឆ្នាំហើយ ពេលនេះ ដាវីន ហាក់មិនសូវខ្វល់ខ្វាយពីអ្នកតាមព្យាបាទទៀតទេ ទើបហ៊ានចេញចូលស្រុកខ្មែរ ជាធម្មតាឡើងវិញ ៕
ចែករំលែកព័តមាននេះ