ក្រោយពីបានប្រកាសសុំជំនួយពីសប្បុរសជនតាមបណ្តាញ Facebook នាពេលថ្មីៗកន្លងមកនេះ កញ្ញា ពៅ បញ្ញាពេជ្រ បានទទួលការឧបត្ថម្ភជាថវិកា និងសម្ភារតិចតួចនៅឡើយ ពីកម្មករ-កម្មការិនីរោងចក្រ មិត្តភក្តិដែលស្គាល់នាងនៅក្រៅប្រទេស និងស្ថាប័នឯកជនមួយចំនួន ចំណែកក្នុងរង្វង់អ្នកសិល្បៈមិនទាន់មានអ្នកណាម្នាក់ចូលរួមជួយឧបត្ថម្ភដល់កញ្ញា ពៅ បញ្ញាពេជ្រ នៅឡើយទេ ។
ក្រោយពីបានប្រកាសសុំជំនួយពីសប្បុរសជនតាមបណ្តាញ Facebook នាពេលថ្មីៗកន្លងមកនេះ កញ្ញា ពៅ បញ្ញាពេជ្រ បានទទួលការឧបត្ថម្ភជាថវិកា និងសម្ភារតិចតួចនៅឡើយ ពីកម្មករ-កម្មការិនីរោងចក្រ មិត្តភក្តិដែលស្គាល់នាងនៅក្រៅប្រទេស និងស្ថាប័នឯកជនមួយចំនួន ចំណែកក្នុងរង្វង់អ្នកសិល្បៈមិនទាន់មានអ្នកណាម្នាក់ចូលរួមជួយឧបត្ថម្ភដល់កញ្ញា ពៅ បញ្ញាពេជ្រ នៅឡើយទេ ។
ថ្មីៗនេះគេកត់សម្គាល់ឃើញថា អតីតតារាចម្រៀងល្បីឈ្មោះធ្លាក់ខ្លួនឈឺដោយសារការបាញ់ប្រហារកញ្ញាពៅ បញ្ហាពេជ្រ បានជួបស៊យជាន់ស៊យតែម្តង គឺខណៈដែលជំងឺនាងធ្វើទុក្ខខ្លាំង ស្រាប់តែម្តាយនាងរាករូសចូលពេទ្យដូចគ្នា ធ្វើឱ្យជួបការលំបាកកាន់តែខ្លាំង ព្រោះទុក្ខត្រួតទុក្ខ… ដឹងខ្លួនថា ពិបាករកលទ្ធភាពណាព្យាបាលជំងឺ កញ្ញា ពៅ បញ្ញាពេជ្រ បានដង្ហោយរកសប្បុរសជន ខណៈសម្រាកព្យាបាលថា ពេលនេះនាងខ្ញុំសូមជំរាបបងប្អូនរួមជាតិទាំងអស់មេត្តាជ្រាបថា ជំងឺរបស់នាងខ្ញុំធ្វើទុក្ខកាន់តែខ្លាំងហើយ ដោយមិនអាចទ្រាំបានបើមិនព្យាបាលប្រាកដជាស្លាប់ ។
ស្នាមរបួសបង្កឱ្យពិការមិនអាចដើរបានតារាចម្រៀងអភ័ព្វបាននិយាយនៅក្នុងខ្សែអាត់វីដេអូបង្ហោះតាម Facebook ថា ពេលថ្មីៗនេះជំងឺដោយសារគ្រាប់កាំភ្លើងធ្វើទុក្ខខ្លាំងណាស់ នាងខ្ញុំពិបាកទ្រាំណាស់ ថ្នាំព្យាបាលមុនៗវាស៊ាំនឹងជំងឺអស់ហើយ ប្រើលែងត្រូវនឹងជំងឺទៀតហើយ… ដូច្នេះពេទ្យត្រូវការថ្នាំថ្មី ដើម្បីទប់ការឈឺចាប់ និងព្យាបាល ។ រឿងនេះនាងខ្ញុំខ្វះខាតថវិកាខ្លាំងណាស់ ទើបខំប្រឹងថតជាវីដេអូឃ្លីបបង្ហាញរូបរាងសំឡេងផ្ទាល់ពីមន្ទីរសម្រាកព្យាបាលខេមា ដល់បងប្អូនរួមជាតិទាំងអស់ សូមមេត្តាជួយផ្តល់ជាថវិកាដល់នាងខ្ញុំផង ដើម្បីបានបន្តព្យាបាលជំងឺរស់ឃើញពន្លឺព្រះអាទិត្យ ឃើញការអភិវឌ្ឍរបស់ប្រទេសជាតិដែលកំពុងតែស្ថាបនានាពេលថ្មីៗនេះ។
នៅអង្គុយជាប់នឹងរទេះរុញតារាសំឡេងស្រួយស្រេះធ្លាក់ខ្លួនកំសត់ពៅ បញ្ញាពេជ្រ បានត្អួញត្អែរ និងសុំអង្វរដ៏ទទូចថា ប្រសិនជាមានសំណាងល្អនាងខ្ញុំអាចរស់បន្តទៀត តែប្រសិនជាមិនមានសំណាងទេ សេចក្តីស្លាប់នឹងបង្ខិតចូលមកកៀករូបខ្ញុំ ហើយនាងខ្ញុំសូមប្រើជីវិតដែលសេសសល់មិនយូរប៉ុន្មាននេះ ទទូចដល់បងប្អូនរួមជាតិជួយផ្តល់ថវិកាជាសប្បុរសធម៌ តាមសទ្ធាជ្រះថ្លាដល់នាងខ្ញុំ ដើម្បីបន្តព្យាបាលរបួសជំងឺ ។ អ្វីដែលនាងខ្ញុំសោកស្តាយសម្រាប់ជីវិតចុងក្រោយនេះ គឺមិនបានឃើញសមិទ្ធផលនៃការអភិងវឌ្ឍរបស់រាជធានីភ្នំពេញ ដូចជាស្ពានអាកាសស្ទឹងមានជ័យ… ទីក្រុងរណបបឹងកក់… ទីក្រុងរណបព្រែកតាសេក… ពហុកីឡដ្ឋានដ៏ធំអស្ចារ្យឈ្មោះមរតកតេជោ… និងអគារស្កឹមស្កៃជាច្រើនទៀត… ។
គួររំលឹកថា តារាចម្រៀងរងគ្រោះកញ្ញា ពៅ បញ្ញាពេជ្រ រូបនេះ បានចូលប្រឡូកក្នុងវិស័យសិល្បៈអ្នកចម្រៀងរយៈពេល៧ឆ្នាំ ធ្វើឱ្យនាងមានកេរ្តិ៍ឈ្មោះល្បីល្បាញតាមរយៈទឹកដមសំឡេងស្រួយស្រេះ ហើយទស្សនិកជនតែងតែគាំទ្រនាងជាច្រើន ប៉ុន្តែអកុសលនាងត្រូវបានខ្មាន់កាំភ្លើងមិនស្គាល់អត្តសញ្ញាណបាញ់ប្រហារយ៉ាងសាហាវ កាលពីថ្ងៃទី២៣ កុម្ភៈ ២០០៧ វេលាម៉ោង៦និង២០នាទីព្រឹក មុខសាលា ELT ក្បែររបងក្រសួងឧស្សាហកម្ម រ៉ែ និងថាមពល បណ្តាលឱ្យតារារូបនេះរងរបួសយ៉ាងធ្ងន់ធ្ងរស្ទើរស្លាប់ស្ទើររស់៕
ចែករំលែកព័តមាននេះ