ប្រទេសអ៊ីស្រាអែល ៖ រដ្ឋមន្ត្រីការពារប្រទេសអ៊ីស្រាអែល លោកAVIGDOR LIEBERMAN កាលពីថ្ងៃទី១៤វិច្ឆិកាប្រកាសសុំលាលែងចេញពីតំណែង ញ៉ាំងឲ្យរដ្ឋាភិបាលរបស់លោកបេនចាមីននេតាន់យ៉ាហ៊ូ ជួបប្រទះនឹងរបត់មួយ ក្រោយកិច្ចព្រមព្រៀងឈប់បាញ់គ្នា ជាមួយបណ្ដាក្រុមប៉ាឡេស្ទីននៅជ្រោយហ្គាហ្សា។…
ប្រទេសអ៊ីស្រាអែល ៖ រដ្ឋមន្ត្រីការពារប្រទេសអ៊ីស្រាអែល លោកAVIGDOR LIEBERMAN កាលពីថ្ងៃទី១៤វិច្ឆិកាប្រកាសសុំលាលែងចេញពីតំណែង ញ៉ាំងឲ្យរដ្ឋាភិបាលរបស់លោកបេនចាមីននេតាន់យ៉ាហ៊ូ ជួបប្រទះនឹងរបត់មួយ ក្រោយកិច្ចព្រមព្រៀងឈប់បាញ់គ្នា ជាមួយបណ្ដាក្រុមប៉ាឡេស្ទីននៅជ្រោយហ្គាហ្សា។
រដ្ឋមន្ត្រីជាតិនិយមជ្រុលរូបនោះនៅមុខសារព័ត៌មាន បានបរិហារកិច្ចព្រមព្រៀងឈប់បាញ់គ្នានេះថា ជាការចុះញ៉មមួយចំពោះភេរវកម្ម។ បែបនេះនាំឲ្យមានភាពមិនច្បាស់លាស់លើអនាគតរដ្ឋាភិបាល ដែលបង្កើតឡើងចាប់តាំងពីឆ្នាំ២០១៥មក ខណៈរដ្ឋាភិបាលនោះចាត់ទុកជារដ្ឋាភិបាលស្ដាំនិយមបំផុតនៃប្រវត្តិសាស្ត្រអ៊ីស្រាអែល។
លោក AVIGDOR LIEBERMAN ប្រកាសពីការដកខ្លួនថយ នៃគណបក្សតួចមួយដែលលោកដឹកនាំ គឺគណបក្សអ៊ីស្រាអែល BEITEINOU ពីរដ្ឋាភិបាលចម្រុះរបស់លោកបេនចាមីននេតាន់យ៉ាហ៊ូ។ អ្នកទទួលខុសត្រូវម្នាក់នៃគណបក្សLIKOUD ជាគណបក្សស្ដាំនិយមរបស់នាយករដ្ឋមន្ត្រីគូសបញ្ជាក់ថា លោកបេនចាមីននេតាន់យ៉ាហ៊ូ នឹងកាន់តំណែងរដ្ឋមន្ត្រីការពារប្រទេស ដោយអះអាងថាការបោះឆ្នោតសភាមុនកាលកំណត់មួយពុំចាំបាច់ឡើយ។
លោកLIEBERMANថ្លែងថា មាគ៌ាដែលយើងដើររយៈពេលប៉ុន្មានខែចុងក្រោយនេះគឹខុសទាំងស្រុង។ ពិសេសជាមួយបទឈប់បាញ់គ្នា យើងបានផ្ដល់ចម្លើយមិនគ្រប់គ្រាន់ មិនសមស្របនិងមិនអាចទទួលយកបានមួយ ចំពោះការបាញ់្គ្រាប់រ៉ុក្កែតដល់ទៅប្រមាណជា៥០០គ្រាប់ប្រឆាំងអ៊ីស្រាអែល។
រដ្ឋបានទិញភាពស្ងប់ស្ងាត់រយៈពេលខ្លីមួយ ដែលនាំឲ្យមានការខូតខាតរយៈពេលយូរសម្រាប់សន្តិសុខជាតិ។លោកក៏រិះគន់ដែរចំពោះការសម្រេចរបស់រដ្ឋាភិបាល អនុញ្ញាតឲ្យប្រទេសកាតាផ្ទេរប្រាក់ច្រើនលានដុល្លារ សម្រាប់បើកប្រាក់បៀវត្សឲ្យមន្ត្រីរដ្ឋការនៃចលនាអ៊ិស្លាមនិយមប៉ាឡេស្ទីនហាម៉ាស់នៅហ្គាហ្សា៕
ចែករំលែកព័តមាននេះ