ព្រៃ.ផ្សៃ! សពក្រោយរំលាយក្នុងអាស៊ីតចាក់ចោលក្នុងលូបំបាត់ភស្តុតាង
ប្រទេសអារ៉ាប៊ីសាអ៊ូឌីត ៖ កាសែតតួកគី SABAH បានរាយការណ៍នាថ្ងៃទី១០ វិច្ឆិកា ២០១៨ ថា ពួកឃាតករសម្លាប់អ្នកកាសែតលោក JAMAL…
ប្រទេសអារ៉ាប៊ីសាអ៊ូឌីត ៖ កាសែតតួកគី SABAH បានរាយការណ៍នាថ្ងៃទី១០ វិច្ឆិកា ២០១៨ ថា ពួកឃាតករសម្លាប់អ្នកកាសែតលោក JAMAL FHASHOGGI កាលពីថ្ងៃទី២ តុលា ក្នុងស្ថានកុងស៊ុលអារ៉ាប៊ីសាអ៊ូឌីត ប្រចាំក្រុងអ៊ីស្តង់ប៊ុល បានរំលាយសាកសពរបស់គេក្នុងទឹកអាស៊ីត ហើយយកទៅចាក់ចោលក្នុងលូ។
ការពិនិត្យលើគំរូទឹកយកមកពីបណ្ដាញលូនៃផ្ទះរបស់កុងស៊ុលអារ៉ាប៊ីសាអ៊ូឌីត ក្នុងក្រុងអ៊ីស្តង់ប៊ុលអាចឲ្យគេឃើញដាននៃអាស៊ីត។ ពួកអ្នកស៊ើបអង្កេតយល់ថា សាកសពរបស់អ្នកកាសែតពូកែសរសេររិះគន់ រដ្ឋអំណាចក្រុងរីយ៉ាដរូបនោះ ត្រូវរំលាយក្នុងទឹកអាស៊ីត រួចក្រោយរំលាយហើយពួកឧក្រិដ្ឋជនយកទៅចាក់ចោលក្នុងលូ។
លោក YASIN AKTAY ទីប្រឹក្សារបស់ប្រធានាធិបតីតួកគីអះអាងថា មូលហេតុដែលពួកឃាតករកាត់ខ្លួនអ្នកកាសែតរូបនោះជាកង់ៗ គឺដើម្បីងាយស្រួលក្នុងការដាក់រំលាយចោលក្នុងទឹកអាស៊ីតដែលខ្លាំងមួយ៕
ចែករំលែកព័តមាននេះ