រាជធានីភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រីបានផ្ញើសារទៅអតីតមេបក្សប្រឆាំងដែលកំពុងរស់នៅក្រៅប្រទេសថា បើចង់បានវប្បធម៌បង្រួបបង្រួមត្រូវរៀបចំខ្លួនឯងឲ្យបានស្រួលបួល បើនៅតែបន្តបង្កបញ្ហានោះគ្មានផ្លូវល្អនោះទេ ។
ក្នុងជំនួនសំណេះសំណាលជាមួយសិស្សប្រឡងជាប់និទ្ទេសA នាព្រឹកថ្ងៃទី៨ វិច្ឆិកា នៅវិមានសន្តិភាព សម្តេចតេជោបានលើកឡើងថា បើអតីតមេបក្សប្រឆាំងមិនអន់ឱនឲ្យកូនសម្តេចទេ សម្តេចក៏មិនអត់ឱនឲ្យកូនគេដែរ ។ សម្តេចនាយករដ្ឋមន្ត្រីគូសបញ្ជាក់ថា «បើចង់បានវប្បធម៌បង្រួបបង្រួមត្រូវអ្វីឲ្យស្រួលមក ។ បើធ្វើមកអាក្រក់យើងមិនអត់ឱនឲ្យទេ ព្រោះយើងគ្មានជម្រើស» ។
សម្តេចតេជោបានលើកឡើងពីអតីតបក្សប្រឆាំងទៀតថា សូម្បីតែសិស្សជាប់និទ្ទេស A កីឡាបានទទួលជ័យលាភី ប្រាសាទរបស់ខ្មែរបានចូលជាបេតិកភណ្ឌក៏ពួកគេមិនអបអរសាទរផង បើចឹងតើឡើងមកកាន់អំណាចមិនកើត ។ ក្នុងឱកាសនោះសម្តេចថា មិនមែនបង្រៀនឲ្យក្មេងៗជំនាន់នេះរៀនសូត្រតាមអ្នកជំនាន់ចាស់ដែលមានគំនិតមិនល្អនោះទេ តែបើល្អយកគំរូតាមចុះ ។ ជាមួយគ្នានោះដែរ សម្តេចតេជោក៏បានលើកឡើងដែរថា អតីតមេបក្សប្រឆាំងមិនដែលអបអរសាទរចំពោះការប្រឡងទទួលបាននិទ្ទេស A ផង ។ ជាងនេះមិនដែលអបអរសាទចំពោះការកីឡាករកម្ពុជាទទួលបានជ័យលាភីមេដាយមាសម្តងក៏គ្មានដែរ ។
សម្តេចបញ្ជាក់ថា «សូម្បីតែកីឡាករកម្ពុជាទទួលបានមេដាយមាសម្តងៗក៏គេមិនដែលអបអរសារទរផង ។ ដាក់ប្រាសាទព្រះវិហារ ប្រាសាទសំបូរព្រៃគុកក៏មិនអបអរសាទរផង ! ចុះបើវាអបអរសាទទៅ តើវាងាប់អីវា ! វាមិនធ្វើទេ តើសួរថា តើវាចង់មកដឹកនាំស្រុកខ្មែរយ៉ាងដូច្នេះទៅ» ។ សម្តេចបន្តថា ឆ្នាំទៅកូនលោកជា ប៉ូច បានទទួលនិទ្ទេស A បានមកទទួលនៅត្រង់នឹង បើទោះបីជានយោបាយវាខុសគ្នាក្តី តែចំណេះវិជ្ជា គឺជាចំណេះវិជ្ជារបស់ជាតិ ។ យើងឃើញកូនគេពូកែ ទោះបីជាកូនអ្នកនឹងជាអ្វីក៏ដោយ យើងត្រូវសរសើរគេ ប៉ុន្តែគេមិន (មេបក្សប្រឆាំង) គិតដូចយើងទេ គឺវាយទាំងកូនយើងទៀត ។
សម្តេចនាយករដ្ឋមន្ត្រីបានគូសបញ្ជាក់ថា« យើងសរសើរកូនគេ ទោះបីជាកូនគេនៅបក្ស ប្រឆាំងក្តី តែយើងសរសើរកូនគេរៀនពូកែ គេអប់រំបានល្អ ។ ប៉ុន្តែក៏គេយកវប្បធម៌ផ្ទុយ អីញ្ចឹង ទេក៏ជាសារបញ្ជាក់ស្មារតីថា សូម្បីកូនយើងផងរឿងអ្វីត្រូវយើងអត់ឱនឲ្យគេ ។ អាហ្នឹងយើង មើលកុនចិនទៅអនុគ្រោះឲ្យសត្រូវព្រៃផ្សៃនេះ ជារឿងពិត តើយើងត្រូវបន្ធូរបន្ថយធ្វើអី» ។ សម្តេចបានគូសបញ្ជាក់ទៀតថា ៖«យើងដាក់មួយម៉ាំងៗចប់ បើហ្ហែងចង់បានវប្បធម៌បង្រួបបង្រូម ហែ្ហងធ្វើឲ្យស្រួលទៅ! ធ្វើឲ្យគេទុកចិត្តទៅផ្ទុយទៅវិញ បើអ្នកអែងមិនចង់បានបង្រូបបង្រួម ហ្ហែងធ្វើអាក្រក់មក ។ អាធ្វើអាក្រក់នឹង គឺជាសញ្ញាថា យើងអត់ឲ្យ ។ «…» ព្រោះយើងអត់មានជ្រើសណាផ្សេង ។ សូម្បីកូនចៅយើងវាមិនអត់ឱនផងរឿងអ្វីយើងអត់ឱនឲ្យគេ» ។
ជាមួយគ្នានោះដែរ សម្តេចក៏បានអះអាងថា សម្តេចមិនបណ្តុះផ្នត់គំនិតដល់ក្មួយៗឬយុវជនរៀនសូត្រដល់អ្នកជំនាន់ចាស់នោះទេ ។ តែអ្នកជំនាន់មួយចំនួនអាចរៀនសូត្របាន តែអុ្នកជំ នាន់ចាស់មួយចំនួនមិនអាចរៀនសូត្របានទេ ។ សម្តេចក៏បានលើកឡើងថា បច្ចុប្បន្នព័ត៌មានក្លែងក្លាយកំពុងមានការវាយលុកយ៉ាងខ្លាំង ។ ដោយនៅសុខៗគេថា សម្តេច ហ៊ុន សែន ស្លាប់ហើយ២ម៉ោងមុន ។ ដោយសារតែព័ត៌មានក្លែងក្លាយសំបូរបែប ប្រទេសអាល្លឺម៉ង់បានបង្កើតច្បាប់កាត់ទោស លើព័ត៌មានក្លែងក្លាយ ៕
ចែករំលែកព័តមាននេះ