រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា រថយន្តហ៊ីយាន់ដាយ ប្រភេទដឹកទំនិញមួយគ្រឿង បានជ្រុលចង្កូតទៅបុកស្លាកសញ្ញាបង្ហាញទិសដៅចរាចរណ៍បាក់អស់ចំនួន២ស្លាក និងបង្គោលភ្លើងបំភ្លឺដងផ្លូវទ្រេតអស់មួយដើម ។
ករណីនេះបង្កការភ្ញាក់ផ្អើល កាលពីម៉ោង១១និង៤៥នាទីព្រឹក ថ្ងៃទី០៨ វិច្ឆិកា ២០១៨នៅមុខច្រកចូលហ្គ្រេនភ្នំពេញ លើផ្លូវ១០១៩ ភូមិអន្លង់ក្ងាន សង្កាត់ឃ្មួញ ខណ្ឌសែនសុខ ។
ចំណែកអ្នកបើករថយន្តឈ្មោះ វុធ សុខគង់ អាយុ២៨ ឆ្នាំ បច្ចុប្បន្នស្នាក់នៅកន្លែងឡឥដ្ឋ ភូមិព្រែប្រសប់ ស្រុកកំណើតភូមិក្រាំងចិន ឃុំក្រាំងត្រយ៉ង ស្រុកពាមជោរ៍ ខេត្តព្រៃវែង ។ អ្នកបើកប្រាប់ថា គេចពីរថយន្តឆ្លងផ្លូវក៏ជ្រុលទៅបុកស្លាកសញ្ញាចរាចរណ៍អស់ចំនួន២ស្លាក និងបង្គោលភ្លើងបំភ្លឺដងផ្លូវទ្រេតអស់មួយដើម ។
តាមសាក្សីបានឲ្យដឹងថា មុនពេលកើតហេតុរថយន្តខាងលើ ធ្វើដំណើរពីភ្នំពេញហានូយពីត្បូងទៅជើង ដែលជាចំណុចកើតហេតុផ្លូវបំបែក គឺរថយន្តខាងលើបានគេចពីរថយន្តឡិចស៊ីសមួយគ្រឿង ហើយក៏បានជ្រុលទៅបុកបង្គោលភ្លើង រួមទាំងបុកស្លាកសញ្ញាចរាចរណ៍អស់ចំនួន២ស្លាកផងដែរ ហើយមួយទៀតដែលអ្នកបើកបានអះអាងនោះ គឺរថយន្តហ៊ីយាន់ដាយបានដាច់ហ្វ្រាំង៕
ចែករំលែកព័តមាននេះ