«The Sun»របស់អង់គ្លេសផ្សាយកាលពីពេល ថ្មីៗកន្លងមកថាYudi Pineda ជនជាតិកូឡុំប៊ីអាយុ២៨ឆ្នាំ បានកាន់សីលបួសជាដូនជីរយៈពេល៨ឆ្នាំ ស្រាប់តែងាកទៅចាប់អាជីពថ្មីជាតារាភាពយន្តអាសអាភាសវិញ ។
Yudi បានប្រតិបត្តិធម៌អាថ៌តាំងពីអាយុ១០ឆ្នាំ និងស្ថិតនៅក្នុងជីវិតបែបនេះខ្ជាប់ខ្ជួនរយៈពេល៨ឆ្នាំរហូតពេញក្រមុំ ។ អំឡុងពេលរស់ក្នុងជីវិតបែបនោះនាងមានសេចក្ដីសុខ ហើយស្រាប់តែលង់ស្នេហ៍លើគ្រូបង្ហាត់សាសនា ។ ដូច្នេះហើយធ្វើឲ្យនាងប្រែចិត្តលែងចង់បួសជាដូនជីតទៅទៀត ហើយសម្រេចចិត្តកែប្រែខ្សែជីវិតទៅជាតារាអាសអាភាសវិញ ។
Yudi បានទៅសាងជីវិតថ្មីនៅក្រុង Medellin ខេត្តអាន់ទីយ៉ូគៀ ប្រទេសកូឡុំប៊ី បម្រើការងារនៅក្រុមហ៊ុនមួយ ។ នៅទីនោះនាងបានជួបបុរសម្នាក់ជាអ្នកដើររកតារាបង្ហាញម៉ូដទៅថតភាពយន្តអាសអាភាស ហើយក៏សម្រេចចិត្តទទួលសំណើរបស់គេ ។ តាំងពីពេលនោះមកនាងក្លាយជាតារាភាពយន្តអាសអាភាស ។
នាងYudi Pineda និយាយថា«លើកដំបូងជួបនឹងផលពិបាក ប៉ុន្តែបច្ចុប្បន្នមានភាពស្ទាត់ជំនាញ និងអាចរកចំណូលចិញ្ចឹមជីវិតបានគួរសម។ ទោះជាបែបណាក្ដីនាងខ្ញុំនៅតែមានអារម្មណ៍ចង់ទៅវិហារ និងចូលវិហារនៅរៀងរាល់ថ្ងៃសុក្រ សៅរ៍ និងអាទិត្យ ។
ជារៀងរាល់លើកនៅពេលទៅវិហារធ្វើឲ្យមានអារម្មណ៍ស្ងប់ ហើយបព្វជិតដែលនាងខ្ញុំធ្លាប់គោរព បានណែនាំឲ្យឈប់ប្រកបអាជីពនេះ ប៉ុន្តែខ្ញុំនឹងធ្វើតាមបំណង ព្រោះមើលឃើញថា ការងារដែលបានប្រតិបត្តិនៅពេលនេះជារឿងទាក់ទងលើសិល្បៈ និងមិនមែនជារឿងខុសច្បាប់ទេ» ៕
ចែករំលែកព័តមាននេះ