ខេត្តកំពង់ចាម ៖ ប្តីប្រពន្ធរួមនឹងកូនចំនួន៤នាក់ មានជីវភាពក្រីក្ររកអង្ករច្រកឆ្នាំងស្ទើរមិនបាន លុះពេលដែលមានផ្ទៃពោះកូនទី៥ ស្រាប់តែប្រសូត្រមកបានកូនភ្លោះដល់ទៅ៣នាក់ ប្រុសទាំងបី នៅក្នុងមន្ទីរពេទ្យខេត្ត នៅវេលាម៉ោង១និង៣០នាទីយប់ ទាបភ្លឺឈានចូលព្រឹកថ្ងៃទី២៦…
ខេត្តកំពង់ចាម ៖ ប្តីប្រពន្ធរួមនឹងកូនចំនួន៤នាក់ មានជីវភាពក្រីក្ររកអង្ករច្រកឆ្នាំងស្ទើរមិនបាន លុះពេលដែលមានផ្ទៃពោះកូនទី៥ ស្រាប់តែប្រសូត្រមកបានកូនភ្លោះដល់ទៅ៣នាក់ ប្រុសទាំងបី នៅក្នុងមន្ទីរពេទ្យខេត្ត នៅវេលាម៉ោង១និង៣០នាទីយប់ ទាបភ្លឺឈានចូលព្រឹកថ្ងៃទី២៦ តុលា ២០១៨ ។
ជាមួយនោះម្តាយកំពុងតែខ្វល់ខ្វាយមិនមានលុយទិញ ទឹកដោះគោឲ្យកូនបៅនោះទេ មានតែលើកដៃម្រាមដប់សំពះសុំក្តីសណ្តោសប្រណី ពីសម្តេចតេជោ សូមឲ្យសង្គ្រោះកូនភ្លោះ៣នេះបានរស់ផង ។
ស្ត្រីជាម្តាយកូនភ្លោះឈ្មោះ ចាន់ រុន អាយុ៣៣ឆ្នាំ នៅភូមិទួលវិហារ ឃុំជីរោទ៍ទី២ ស្រុកត្បូងឃ្មុំ
ខេត្តត្បូងឃ្មុំ បានប្រាប់ឲ្យដឹងថា គាត់មានកូនប្រុសចំនួន៤នាក់ ដោយប្តីឈ្មោះ គង់ សុខុន អាយុ៤៤ឆ្នាំ ប្រកបរបរធ្វើជាងសំណង់ ក្នុង១ថ្ងៃបានប្រាក់ចំនួន២៥.០០០រៀល ដើម្បីយកមកទិញអង្ករដាំបាយហូប ដោះស្រាយជីវភាពទាំងត្រដាបត្រដួស ។
មុនពេលមានផ្ទៃពោះកូនទី៥ គាត់ក៏បានធ្លាប់ធ្វើកម្មករយួរកំបោរឲ្យគេក្នុង១ថ្ងៃបានប្រាក់ចំនួន២ម៉ឺនរៀលផងដែរ ។ ស្ត្រីជាម្តាយកូនភ្លោះ៣ប្រាប់បន្តថា លុះពេលដែលគាត់មានផ្ទៃពោះកូនទី៥នេះ មិនបានចេញទៅធ្វើការដូចធ្លាប់ទៅដាំកូនកៅស៊ូឲ្យគេដល់ខេត្តក្រចេះ និងខេត្តរតនៈគិរី ប្តីតែម្នាក់ត្រូវរាប់រងរកលុយដើម្បីមកចិញ្ចឹមប្រពន្ធកូនដោយលំបាកបំផុត ។ ស្របពេលដែលមានផ្ទៃពោះបានជាង៣ខែក៏បានឲ្យគ្រូពេទ្យនៅថ្នល់ទទឹងឆ្លុះអេកូមើល ឃើញកូនភ្លោះដល់ទៅ៣នាក់ មកដល់យប់ថ្ងៃទី២៤ តុលា ពេលដែលឈឺពោះក៏ត្រូវបានប្តីជូនមកពេទ្យខេត្តកំពង់ចាម ។ លុះយប់ទាបភ្លឺប្រសូត្រកូនភ្លោះដល់ទៅ៣នាក់ប្រុសទាំងអស់ ក្នុងនោះកូនបងគេទង្ងន់១,១០គីឡូក្រាម កូនទី២ទង្ងន់១,១០គីឡូក្រាម និងកូនទី៣ទម្ងន់១,៣០គីឡូក្រាម ។ បន្ទាប់ពីប្រសូតកូនរួច សុខភាពរបស់គាត់ត្រូវចុះខ្សោយ ហើយឈឺត្រង់ដៃស្បូន និងព្រួយបារម្ភមិនមានលុយទិញទឹកដោះគោឲ្យកូនបៅឡើយ ។ ដូច្នេះមានតែម្រាមដៃដប់សំពះសុំក្តីសណ្តោសប្រណីពីសម្តេចតេជោ សូមជួយសង្គ្រោះកូនភ្លោះទាំង៣នោះផង ។
ឪពុកកូនភ្លោះ៣នាក់ ឈ្មោះគង់ សុខុន អាយុ៤៤ឆ្នាំ ប្រាប់ថា នៅពេលដែលប្រពន្ធបានឈឺពោះនោះ
ក៏ប៉ាវម៉ូតូកង់៣របស់គេជិះមកពេទ្យខេត្តកំពង់ចាម ហើយប្រសូត្របានកូនភ្លោះប្រុសដល់ទៅ៣នាក់គាត់ពិតជាមានក្តីកង្វល់មិនដឹងថា តើរកលុយពីណាមកទិញទឹកដោះគោឲ្យកូនបៅនោះទេ ការងារសំណង់ក៏មិនបានធ្វើទៀត ។ មានតែសុំក្តីករុណាពីសម្តេចតេជោ សូមមេត្តាជួយផ្តល់ជាថវិកា និងទឹកដោះគោ ដើម្បីសង្គ្រោះដល់កូនភ្លោះទាំង៣ផង ព្រោះសម្តេចចាត់ទុកថា កូនភ្លោះ៣ជាចៅរបស់សម្តេច ៕
ចែករំលែកព័តមាននេះ