ខេត្តរតនៈគីរី ៖ បើតាមសេចក្តីរាយការណ៍បានឱ្យដឹងថា ឃាតករម្នាក់ដែលសម្លាប់មនុស្សច្រកការុងទម្លាក់ក្នុងអណ្ដូងទឹកកាលពី៦ខែមុន ត្រូវបានសមមត្ថកិច្ចប៉ូលិសធ្វើការស្រាវជ្រាវអស់រយៈពេល៦ខែ១២ថ្ងៃរួចមក ទើបចាប់ឃាត់ខ្លួនជនសង្ស័យបានកាលពីម៉ោង៣រសៀល នៅថ្ងៃទី២២ ខែតុលា ឆ្នាំ២០១៨ គឺចាប់ឃាត់ខ្លួនបាននៅផ្ទះជនសង្ស័យតែម្ដង។…
ខេត្តរតនៈគីរី ៖ បើតាមសេចក្តីរាយការណ៍បានឱ្យដឹងថា ឃាតករម្នាក់ដែលសម្លាប់មនុស្សច្រកការុងទម្លាក់ក្នុងអណ្ដូងទឹកកាលពី៦ខែមុន ត្រូវបានសមមត្ថកិច្ចប៉ូលិសធ្វើការស្រាវជ្រាវអស់រយៈពេល៦ខែ១២ថ្ងៃរួចមក ទើបចាប់ឃាត់ខ្លួនជនសង្ស័យបានកាលពីម៉ោង៣រសៀល នៅថ្ងៃទី២២ ខែតុលា ឆ្នាំ២០១៨ គឺចាប់ឃាត់ខ្លួនបាននៅផ្ទះជនសង្ស័យតែម្ដង។
តាមរបាយការណ៍សមត្ថកិច្ចប៉ូលិសស្រុកកូនមុំ និងប៉ូលិសព្រហ្មទណ្ឌកំរិតធ្ងន់នៃស្នងការនគរបាលខេត្តឱ្យដឹងថា ជនសង្ស័យខាងលើឈ្មោះ គៀល ការទួត ភេទប្រុស អាយុ២០ឆ្នាំ ជនជាតិដើមភាគតិចគ្រឹង រស់នៅភូមិតាកាប់ ឃុំតាអង ស្រុកកូនមុំ ។ ចំណែកជនរងគ្រោះ ឈ្មោះ ស៊ូ សៀក ភេទប្រុស អាយុ២០ឆ្នាំ ជនជាតិខ្មែរ ហើយជនរងគ្រោះ និងជនសង្ស័យមានមុខរបរកស៊ីឈើ មានទីលំនៅជាមួយគ្នា ។
សមត្ថកិច្ចបានបញ្ជាក់ឱ្យដឹងបន្តទៀតថា ជនសង្ស័យជាឃាតករបានសម្លាប់ជនរងគ្រោះនៅថ្ងៃទី១១ ខែមេសា ឆ្នាំ២០១៨ វេលាម៉ោង៧ទៅម៉ោង៨យប់នៅចំណុចដ៏ស្ងាត់នៅចំការចន្ទី របស់អ្នកភូមិ ស្ថិតនៅក្នុងភូមិតាកាប់ ឃុំតាអង ស្រុកកូនមុំ ។
សមត្ថកិច្ចដដែលបន្តទៀតថា ជនសង្ស័យបានរត់គេចខ្លូនអស់រយៈពេល៦ខែ១២ថ្ងៃគត់ហើយ ពេលសមត្ថកិច្ចចាប់ខ្លួនបានជនសង្ស័យឆ្លើយសារភាពថា ខ្លួនពិតជាបានសម្លាប់ជនរងគ្រោះពិតប្រាកដមែន ដោយសាគំនុំអំពីរឿងខឹងជនរងគ្រោះបានជំពាក់លុយថ្លៃទិញឈើមិនព្រមសង ហើយខ្លួនក៏មានគំនិតតេទូរស័ព្ទហៅជនរងគ្រោះណាត់គ្នាជួបកន្លែងកើតហេតុ ។
ជនសង្ស័យសារភាពបន្តថា ពេលជនរងគ្រោះមកដល់ក៏យកកាំបិតផ្គាក់កាប់ត្រូវចំកញ្ចឹង.កពីក្រោយជិតដាច់.ក បណ្ដាលឱ្យស្លាប់ភ្លាមៗនៅកន្លែងកើតហេតុ។ រួចជនសង្ស័យជាឃាតករ បានយកសាកសពញាត់ចូលក្នុងការ៉ុងដឹកតាមម៉ូតូចម្ងាយ៤០០ម៉ែត្រទម្លាក់សពចូលក្នុងអណ្ដូងទឹកមានជំរៅ៥ទៅ៦ម៉ែត្រ ស្ថិតនៅភូមិ-ឃុំកើតហេតុខាងលើ។
ហើយនៅព្រឹកថ្ងៃទី២៣ តុលានេះ សមត្ថកិច្ចប៉ូលិសព្រហ្មទណ្ឌកំរិតធ្ងន់នៃស្នងការខេត្ត រួមទាំងមានការចូលរួមពីសំណាក់ក្រឡាបញ្ជី ព្រះរាជអាជ្ញាអមសាលាដំបូងខេត្ត បាននាំខ្លួនជនសង្ស័យទៅកន្លែងសម្លាប់ជនរងគ្រោះ ដើម្បីធ្វើត្រាប ។
បើតាមសសមត្ថកិច្ចបានបន្តទៀតថា ក្រោយពីជនសង្ស័យបានឆ្លើយសារភាពខ្លួនពិតជាបានសម្លាប់ជនរងគ្រោះពិតប្រាដក សមត្ថកិច្ចក៏បានកសាងសំណុំរឿងបញ្ជួនខ្លួនជនសង្ស័យទៅសាលាដំបូងចាត់ការតាមផ្លូវច្បាប់៕
ចែករំលែកព័តមាននេះ