រាជធានីភ្នំពេញ ៖ រថយន្តសណ្តោងកុងតឺន័រមួយគ្រឿងអ្នកបើកបរខ្វះការប្រុងប្រយ័ត្ន និងល្បឿនលឿនផងនោះបានជ្រុលទៅកៀរនឹងម៉ូតូ២គ្រឿងដែលធ្វើដំណើរស្របទិសគ្នាបណ្តាលអោយមានអ្នករងរបួសចំនួន៤នាក់ ហើយអ្នកបើកបររថយន្តប្រឹងព្យាយាមបើករត់គេចខ្លួនមិនទទួលខុសត្រូវ ។ ហេតុការណ៍នេះបានកើតឡើងនៅវេលាម៉ោង១០យប់ ថ្ងៃទី២២ ខែតុលា ឆ្នាំ២០១៨…
រាជធានីភ្នំពេញ ៖ រថយន្តសណ្តោងកុងតឺន័រមួយគ្រឿងអ្នកបើកបរខ្វះការប្រុងប្រយ័ត្ន និងល្បឿនលឿនផងនោះបានជ្រុលទៅកៀរនឹងម៉ូតូ២គ្រឿងដែលធ្វើដំណើរស្របទិសគ្នាបណ្តាលអោយមានអ្នករងរបួសចំនួន៤នាក់ ហើយអ្នកបើកបររថយន្តប្រឹងព្យាយាមបើករត់គេចខ្លួនមិនទទួលខុសត្រូវ ។
ហេតុការណ៍នេះបានកើតឡើងនៅវេលាម៉ោង១០យប់ ថ្ងៃទី២២ ខែតុលា ឆ្នាំ២០១៨ ជិតផ្សារប៉េសេចាស់ ផ្លូវ៣៧១ សង្កាត់បឹងទំពុន២ ខណ្ឌមានជ័យ ហើយឃាត់រថយន្តបាននៅផ្លូវ៣៧១ កែងនឹងផ្លូវបេតុងបឹងតាម៉ាត ខណ្ឌមានជ័យ ។
តាមប្រភព័ត៌មានពីកន្លែងកើតហេតុបានអោយដឹងថា មុនពេលកើតហេតុគេបានឃើញបុរស២នាក់ និងនារី២នាក់បានជិះម៉ូតូចំនួន២គ្រឿង មួយគ្រឿងម៉ាក Zoomer-X ពណ៌ស ពាក់ផ្លាកលេខ ភ្នំពេញ 1FV-6958 និងមួយគ្រឿងទៀតម៉ាកហុងដាវ៉េវ ពណ៌ខ្មៅ ពាក់ផ្លាកលេខ ភ្នំពេញ 1GB-8693 ហើយម៉ូតូទាំងពីរគ្រឿងបានជិះធ្វើដំណើរតាមផ្លូវ៣៧១ក្នុងទិសដៅពីកើតទៅលិច ។
ខណៈមកដល់ចំណុចកើតហេតុក៏ស្រាប់តែមានបុរសម្នាក់ទៀតបានបើករថយន្តសណ្តោងកុងតឺន័រ ម៉ាក HINO ពណ៌ស ពាក់ផ្លាកលេខ ភ្នំពេញ 3D-0111 បានធ្វើដំណើរក្នុងទិសដៅស្របគ្នា ហើយល្បឿនលឿនក៏រ៉េចង្កូតទៅកៀរនឹងម៉ូតូទាំងពីរគ្រឿងបណ្តាលអោយអ្នកជិះម៉ូតូទាំង៤នាក់ដួលរងរបួសរលាត់ដៃរលាត់ជើង ដាច់មុខដាច់មាត់ ។
ភ្លាមៗនោះដែររថយន្តបង្កគឺមិនបានឈប់ដោះស្រាយនៅនឹងកន្លែងកើតហេតុនោះទេ គឺព្យាយាមបើករថយន្តរត់គេចជិត១គីឡូម៉ែត្ររហូតដល់មុខនឹងស្ថានីយប្រេងឥន្ធនះ PTT ផ្លូវ៣១៧ កែងនឹងផ្លូវបេតុង បឹងតាម៉ាត ខណ្ឌមានជ័យ ទើបសមត្ថកិច្ចដេញឃាត់រថយន្ត និងអ្នកបើកបរបាន ។
ក្រោយពេលកើតហេតុ ដោយសារតែអត់មានដំណោះស្រាយអ្នករងរបួសប្រុសស្រីទាំង៤នាក់ ត្រូវបានបងប្អូនដឹកតាមម៉ូតូយកទៅព្យាបាលរបួសនៅមន្ទីរពេទ្យ ចំណែករថយន្ត និងម៉ូតូទាំងពីរគ្រឿងត្រូវបានសមត្ថកិច្ចជំនាញក្រុងបានចុះទៅធ្វើការវាស់វែងយកទៅរក្សាទុកនៅការរិយាល័យចរាចរណ៍ជើងគោករាជធានីភ្នំពេញដើម្បីរងចាំធ្វើការដោះស្រាយ ៕
ចែករំលែកព័តមាននេះ