ខេត្តស្ទឹងត្រែង ៖ កម្លាំងនគរបាលស្នងការដ្ឋានខេត្តស្ទឹងត្រែងបានឃាត់ខ្លួនមន្ត្រីនគរបាល ម្នាក់រួមជាមួយមនុស្សប្រុសស្រី៤នាក់ផ្សេង ទៀតរួមថ្នាំញៀនជាង១០០ក្រាមបញ្ជូនមក កាន់ការិយាល័យប្រឆាំងគ្រឿង ញៀនដើម្បីចាត់ការតាមនីតិវិធីច្បាប់។ ប្រភពព័ត៌មានពីមន្ត្រីការិយាល័យ ជំនាញអោយដឹងនៅព្រឹកថ្ងៃទី២១ តុលា…
ខេត្តស្ទឹងត្រែង ៖ កម្លាំងនគរបាលស្នងការដ្ឋានខេត្តស្ទឹងត្រែងបានឃាត់ខ្លួនមន្ត្រីនគរបាល ម្នាក់រួមជាមួយមនុស្សប្រុសស្រី៤នាក់ផ្សេង ទៀតរួមថ្នាំញៀនជាង១០០ក្រាមបញ្ជូនមក កាន់ការិយាល័យប្រឆាំងគ្រឿង
ញៀនដើម្បីចាត់ការតាមនីតិវិធីច្បាប់។
ប្រភពព័ត៌មានពីមន្ត្រីការិយាល័យ ជំនាញអោយដឹងនៅព្រឹកថ្ងៃទី២១ តុលា ២០១៨ នេះថា ប្រតិបត្តិការនៃការចុះបង្ក្រាបមុខសញ្ញាចែកចាយថ្នាំញៀននោះ បានធ្វើឡើង កាលពីរសៀលថ្ងៃទី២០ តុលា ២០១៨ នៅទី តាំងផ្សេងគ្នាក្នុងដែនដីក្រុងស្ទឹងត្រែងខេត្តស្ទឹងត្រែង។
មន្ត្រីនគរបាលខេត្តស្ទឹងត្រែងបានអោយដឹងថា ការបង្ក្រាបករណីចែកចាយថ្នាំញៀននោះសមត្ថកិច្ចបានឃាត់ខ្លួនជនសង្ស័យសរុបចំនួន៥នាក់ ក្នុងនោះ៤នាក់ជាបុរស និងម្នាក់ជាស្ត្រី ហើយក្នុងចំណោម៥នាក់ នោះមានម្នាក់ គឺជាមន្ត្រីនគរបាលខេត្តឈ្មោះ ម៉ៅ មករា ភេទប្រុស អាយុ២៨ឆ្នាំ បំរើការងារនៅការិយា
ល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តស្ទឹងត្រែង។
លោកបានបន្តថា ក្នុងពេលឃាត់ខ្លួនជនសង្ស័យនោះ សមត្ថកិច្ចបានដកហូតបានថ្នាំញៀន ប្រភេទមេតំហ្វេតាមីន ice ម៉ាទឹកកកបានជាង១០០ក្រាម រួមនឹងវត្ថុតាងបទល្មើសមួយចំនួនទៀតផងដែរ។
បច្ចុប្បន្នជនសង្ស័យទាំង៥នាក់កំពុងស្ថិតក្រោមការសាកសួរ និងកសាងសំណុំរឿងពីកម្លាំងការិយាល័យប្រឆាំងគ្រឿងញៀនខេត្តស្ទឹងត្រែងនៅឡើយ៕
ចែករំលែកព័តមាននេះ