ខេត្តតាកែវ ៖ ក្រុមនិស្សិតជាច្រើននៅក្នុងខេត្តតាកែវបាននាំគ្នាសម្រុកមកដាក់ពាក្យធ្វើការនៅក្នុងការតាំងពិពណ៏ការងាររបស់សកលវិទ្យាល័យ បៀលប្រាយ សាខាខេត្តតាកែវ នៅព្រឹកថ្ងៃទី២០ ខែតុលា ឆ្នាំ២០១៨ នេះ ដោយមានក្រុមហ៊ុនឯកជន…
ខេត្តតាកែវ ៖ ក្រុមនិស្សិតជាច្រើននៅក្នុងខេត្តតាកែវបាននាំគ្នាសម្រុកមកដាក់ពាក្យធ្វើការនៅក្នុងការតាំងពិពណ៏ការងាររបស់សកលវិទ្យាល័យ បៀលប្រាយ សាខាខេត្តតាកែវ នៅព្រឹកថ្ងៃទី២០ ខែតុលា ឆ្នាំ២០១៨ នេះ ដោយមានក្រុមហ៊ុនឯកជន និងគ្រិះស្ថានមីក្រូហិរញ្ញវត្ថុនៅក្នុងខេត្តតាកែវប្រមាណ២០ស្ថាប័នបានមកជ្រើសរើសនិស្សិតផ្ទាល់នៅក្នុងការតាំងពិពណ៏ការងារនេះ ។
លោក ញ៉ែម សាមុត នាយកសាខាសាកលវិទ្យាល័យបៀលប្រាយសាខាខេត្តតាកែវបានអោយដឹងថា សាកលវិទ្យាល័យបៀលប្រាយសាខាខេត្តតាកែវបានសហការជាមួយក្រុមហ៊ុនឯកជន និងគ្រិះស្ថានមីក្រូហិរញ្ញវត្ថុនានានៅក្នុងខេត្តដើម្បីរៀបចំតាំងពិពណ៏ការងារជូននិស្សិត និងមហាជនដែលកំពុងតែស្វែងរកការងារធ្វើ ឲ្យមកដាក់ពាក្យនិងផ្ដល់ឱកាសលដល់និស្សិតបានទំនាក់ទំនងដោយផ្ទាល់ជាមួយស្ថាប័នដើម្បីដឹងពីតម្រូវការទីផ្សារការងារបច្ចុប្បន្ន ។
លោកនាយកសាកលវិទ្យាល័យបានឱ្យដឹងបន្តថា សាកលវិទ្យាល័យបានធ្វើការបណ្ដុះបណ្ដាលនិស្សិតប្រកបដោយគុណភាពចំណេះដឹង ដោយធ្វើយ៉ាងណាឲ្យនិស្សិតដែលរៀនចប់ក្លាយជាធនធានមនុស្សប្រកបដោយសិលធម៌វិជ្ជាជីវៈ ។
នៅក្នុងការស្ទង់មតិរបស់សកលវិទ្យាល័យបៀលប្រាយសាខាខេត្តតាកែវបានបង្ហាញថា អាត្រានិស្សិតកម្រឹតបរិញ្ញាប័តរងដែលបានបញ្ចប់កាសិក្សាមានការងារធ្វើប្រមាណ៨២,៨ភាគរយ និស្សិតកម្រឹតបរិញ្ញាប័ត្រមានការងារធ្វើចំនួន៩៤,២ភាគរយ និងនិស្សិតកម្រឹតបរិញ្ញាប័ត្រជាន់ខ្ពស់មានការងារធ្វើចំនួន១០០ភាគរយ។
និស្សិតផ្នែកសេដ្ឋកិច្ចនៃសាកលវិទ្យាល័យបៀលប្រាយខេត្តតាកែវកញ្ញា នៃ សម្ភស្សន៏ ដែលបានដាក់ពាក្យធ្វើការនៅក្នុងការតាំងពិពណ៏ការងារបានចាត់ទុកនេះជាឱកាស់ល្អសម្រាប់ឲ្យនិស្សិតអាចប្រាស្រ័យទាក់ទង និងដាក់ពាក្យដោយផ្ទាល់ចំពោះក្រុមហ៊ុនដែលនិស្សិតចង់ធ្វើការ ហើយកញ្ញាសង្ឃឹម៧០ភាគរយថាខ្លួននឹងអាចធ្វើតេស្តជាប់សម្រាប់បំរើការងារជាអ្នកលក់នៅក្នុងក្រុមហ៊ុនមួយដែលមកជ្រើសរើសបុគ្គលិកនៅក្នុងការតាំងពិពណ៏ការងារនេះ ៕
ចែករំលែកព័តមាននេះ