ខេត្តកំពង់ធំ ៖ គ្រោះថ្នាក់ចរាចរណ៍រវាងម៉ូតូបុកជាមួយរ៉ឺម៉កម៉ូតូកំពុងឈប់ចត បណ្តាលឱ្យស្ត្រីជាអ្នកបើកបរម៉ូតូរងរបួសធ្ងន់ ករណីនេះបានកើតឡើងកាលពីវេលាម៉ោង៦និង៣០នាទីយប់ថ្ងៃទី១៧ ខែតុលា ឆ្នាំ២០១៨ លើកំណាត់ផ្លូវជាតិលេខ៦ ចន្លោះគីឡូម៉ែត្រលេខ១២៦-១២៧ ស្ថិតក្នុងភូមិត្រពាំងស្វាយ ឃុំបល្ល័ង្ក ស្រុកបារាយណ៍ ខេត្តកំពង់ធំ ។
សមត្ថកិច្ចប្រាប់ថា ករណីគ្រោះថ្នាក់ចរាចរណ៍នេះ បង្កឡើងដោយម៉ូតូបុកជាមួយរ៉ឺម៉កម៉ូតូក្នុងទិសដៅស្រប គ្នាពីជើងទៅត្បូង បណ្តាលឲ្យស្ត្រីម្នាក់រងរបួសធ្ងន់ ជនរងគ្រោះជិះម៉ូតូម៉ាកវីស៊ិន ពណ៌ស គ្មានពាក់ស្លាកលេខ បើកបរដោយឈ្មោះ ឡាក់ សុខន ភេទស្រី អាយុ៣៦ឆ្នាំ រស់នៅភូមិព្រៃតាត្រាវ ឃុំបល្ល័ង្ក ស្រុកបារាយណ៍ របួសធ្ងន់ ។
បន្ទាប់ពីបានជិះម៉ូតូទៅបុកជាមួយនិងម៉ូតូសណ្តោងរ៉ឺម៉ក ម៉ាកcity កូរ៉េ ពណ៌ក្រហម គ្មានពាក់លេខគ្មានពីក្រោយ ដែលបើកបរដោយឈ្មោះ ព្រំ វៃ ភេទប្រុស អាយុ៣៣ឆ្នាំ នៅភូមិប្រគៀប ឃុំត្រពាំងធំខាងត្បូង ស្រុកត្រាំកក់ ខេត្តតាកែវ អ្នកបើករ៉ឺម៉កម៉ូតូត្រូវបានសមត្ថកិច្ចនាំខ្លួនទៅអធិការដ្ឋាននគរបាលស្រុកបារាយណ៍ ។
សមត្ថកិច្ចបញ្ជាក់ថា គ្រោះថ្នាក់ចរាចរណ៍ខាងលើ មូលហេតុជាបឋមបង្កឡើងដោយអ្នកបើកបរម៉ូតូសណ្តោងរ៉ឺម៉កឈប់អែមចិញ្ចើមផ្លូវគ្មានភ្លើងបំភ្លឺ រួមផ្សំនឹងអ្នកបើកបរម៉ូតូមានល្បឿនលឿន ៕
ចែករំលែកព័តមាននេះ