ខេត្តបន្ទាយមានជ័យ ៖ ជនសង្ស័យម្នាក់ចូលលួចម៉ូតូ១គ្រឿង ពេលម្ចាស់ត្រឡប់ពីធ្វើការវិញរកមិនឃើញក៏ប្តឹងកម្លាំងកងរាជអាវុធហត្ថស្ទាក់ចាប់បានរួចបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៦ ខែតុលា ឆ្នាំ២០១៨។ ជនសង្ស័យមានឈ្មោះ ទេព វីរៈ ភេទប្រុសអាយុ១៧ឆ្នាំស្នាក់នៅសង្កាត់ប៉ោយប៉ែត…
ខេត្តបន្ទាយមានជ័យ ៖ ជនសង្ស័យម្នាក់ចូលលួចម៉ូតូ១គ្រឿង ពេលម្ចាស់ត្រឡប់ពីធ្វើការវិញរកមិនឃើញក៏ប្តឹងកម្លាំងកងរាជអាវុធហត្ថស្ទាក់ចាប់បានរួចបញ្ជូនទៅសាលាដំបូងខេត្តបន្ទាយមានជ័យចាត់ការតាមច្បាប់នៅថ្ងៃទី១៦ ខែតុលា ឆ្នាំ២០១៨។
ជនសង្ស័យមានឈ្មោះ ទេព វីរៈ ភេទប្រុសអាយុ១៧ឆ្នាំស្នាក់នៅសង្កាត់ប៉ោយប៉ែត ក្រុងប៉ោយប៉ែត។
លោកវរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា នៅពេលឃាត់ខ្លួនជនសង្ស័យ គឺកម្លាំងកងរាជអាវុធហត្ថក្រុងប៉ោយប៉ែតបានទទួលពាក្យបណ្តឹងពីម្ចាស់ម៉ូតូឈ្មោះ ស៊ិន សុភាព ភេទប្រុស អាយុ៤៥ឆ្នាំ មុខរបរបុគ្គលិកកាស៊ីណូ ស្នាក់នៅបន្ទប់កាស៊ីណូហ្គោលដិន សង្កាត់ប៉ោយ
ប៉ែត ក្រុងប៉ោយប៉ែត។
ប្រភពព័ត៌មានបានឱ្យដឹងថា ពេលបុរសជាម្ចាស់ម៉ូតូរវល់ទៅធ្វើការ លុះត្រឡប់មកវិញស្រាប់តែបាត់ម៉ូតូមួយគ្រឿងម៉ាកអឹមអេសអិច ក្នុងបន្ទប់នៅវេលាម៉ោង២និង៤០នាទីថ្ងៃទី១៥ ខែតុលា ឆ្នាំ២០១៨ ហើយបុរសជាម្ចាស់ម៉ូតូបានទៅប្តឹង។
បន្ទាប់ពីទទួលពាក្យបណ្តឹងភ្លាម កម្លាំងកងរាជអាវុធហត្ថក្រុងបានធ្វើការស្រាវជ្រាវនិងកំណត់មុខសញ្ញាភ្លាមៗ នៅចំណុចភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត។
លោកបានបញ្ជាក់ថា ក្រោយពេលឃាត់ជនសង្ស័យរួមនឹងវត្ថុតាងម៉ូតូ១គ្រឿងត្រូវបានបញ្ជូនទៅសាកសួរនៅទីបញ្ជាការកងរាជអាវុធហត្ថក្រុង ។
តាមចម្លើយសារភាពរបស់ជនសង្ស័យ គឺខ្លួនពិតបានធ្វើសកម្មភាពលួចម៉ូតូនៅពេលម្ចាស់ទៅធ្វើការ បន្ទាប់ពីលួចបាន ខ្លួនជិះម៉ូតូតាមផ្លូវ ហើយក៏ត្រូវបានកម្លាំងសមត្ថកិច្ចឃាត់ខ្លួនតែម្តង។
យោងតាមចម្លើយសារភាពរបស់ជនសង្ស័យ សមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យដើម្បីចាត់ការតាមច្បាប់៕
ចែករំលែកព័តមាននេះ