ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ករណីគ្រោះថ្នាក់ចរាចរណ៍មួយកើតឡើង ដោយអ្នកបើកបរម៉ូតូម្នាក់ មានអាយុទើបតែ១៤ឆ្នាំបានជិះជ្រុលទៅបុកក្មេងប្រុសម្នាក់កំពុងជិៈកង់បណ្តាលឱ្យស្លាប់យ៉ាងអាណោចអាធ័មបំផុត ដែលហេតុការណ៍នេះ កើតឡើងកាលពីេលាម៉ោង០៣ និង៤០នាទីរសៀលថ្ងៃទី១១ តុលា…
ខេត្តបន្ទាយមានជ័យ ៖ សេចក្តីរាយការណ៍ឱ្យដឹងថា ករណីគ្រោះថ្នាក់ចរាចរណ៍មួយកើតឡើង ដោយអ្នកបើកបរម៉ូតូម្នាក់ មានអាយុទើបតែ១៤ឆ្នាំបានជិះជ្រុលទៅបុកក្មេងប្រុសម្នាក់កំពុងជិៈកង់បណ្តាលឱ្យស្លាប់យ៉ាងអាណោចអាធ័មបំផុត ដែលហេតុការណ៍នេះ កើតឡើងកាលពីេលាម៉ោង០៣ និង៤០នាទីរសៀលថ្ងៃទី១១ តុលា ស្ថិតលើផ្លូវលំ ក្នុងភូមិដងរុនលិច ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ ។
សេចក្តីរាយការណ៍បន្តថា ក្មេងប្រុសជិះកង់ដែលស្លាប់ មិនត្រូវស្គាល់ឈ្មោះនោះទេ មានអាយុ៨ឆ្នាំ រស់នៅភូមិកើតហេតុ ។ ចំណែកអ្នកបើកម៉ូតូឈ្មោះ ស្រៀង រ៉ាដា អាយុ១៤ឆ្នាំ រស់នៅភូមិគោកក្រសាំង ឃុំស្រះរាំងមង្គលបូរី បន្ទាយមានជ័យ ។
ប្រភពដដែលបន្តថា ក្មេងប្រុសរងគ្រោះបានជិះក្នុងទិសដៅពីកើតទៅលិច ដោយជិះកណ្តាលផ្លូវ ។ លុះជិះដល់ចំណុចកើតហេតុ កុមារារងគ្រោះបំរុងបត់ឆ្វេងចូលផ្ទះ ស្របពេលនោះ ក៏មានម៉ូតូមួយគ្រឿងម៉ាក ហុងដាឌ្រីម បើកស្របទិសគ្នាបានឡើងជែង ពេលនោះកង់ក៏គេចមកដែរ បណ្តាលឱ្យទាក់ដៃម៉ូតូធ្លាក់ក្មេងជិះកង់ហើយត្រូវកង់ម៉ូតូកិនពីលើបណ្តាលស្លាប់តែម្តង ។
បច្ចុប្បន្ន កង់និងម៉ូតូខូចខាតស្រាលបានយកមករក្សាទុកនៅអធិការដ្ឋាននគរបាលស្រុកមង្គលបូរី រង់ចាំការដោះស្រាយ។
ចែករំលែកព័តមាននេះ