បើបាត់ដោយប្រការគ្រោះថ្នាក់ អាចរកឃើញ…បើបាត់ដោយចេតនាគឺពិបាករកហើយ
- ស្វាយរៀង
ខេត្តស្វាយរៀង ៖ លោក ដាំ ស៊ិនឌឿន អាយុ៥១ឆ្នាំ និងប្រពន្ធឈ្មោះ វង ចាន់រ៉ាវី អាយុ៤៩ឆ្នាំ…
ខេត្តស្វាយរៀង ៖ លោក ដាំ ស៊ិនឌឿន អាយុ៥១ឆ្នាំ និងប្រពន្ធឈ្មោះ វង ចាន់រ៉ាវី អាយុ៤៩ឆ្នាំ នៅភូមិតារាងបាល់ សង្កាត់គយត្របែក ក្រុងស្វាយរៀង បានបាត់កូនស្រីឈ្មោះ ដាំ ចាន់រស្មី អាយុ២២ឆ្នាំ កាលពីវេលាម៉ោង១០និង១០នាទីព្រឹកថ្ងៃទី៥ តុលា គឺមុនថ្ងៃបុណ្យភ្ជុំបិណ្ឌ បន្ទាប់ពីបានដឹកប្អូនប្រុសម្នាក់អាយុ១២ឆ្នាំទៅរៀនគួរ នៅចម្ងាយប្រមាណ១៥០ម៉ែត្រពីផ្ទះ តែក្នុងភូមិជាមួយគ្នា ហើយរហូតដល់ម៉ោងប្រមាណជិត១និង៥០នាទីរសៀលក៏បាត់ការទាក់ទង ដោយឪពុកម្តាយទូរស័ព្ទទៅលេខ ០១៦ ៧២៧ ៨៧៨ចូល តែគ្មានអ្នកលើក ក្រោយមកទៀតក៏ហៅលែងចូលរហូត ។
ដោយសារតែបាត់កូនស្រីមួយថ្ងៃមួយយប់ទៅហើយ នៅតែគ្មានដំណឹង ទើបនៅថ្ងៃទី៦ ខែតុលា វេលាម៉ោង៧និង២០នាទីព្រឹក ពួកគាត់ជាឪពុកម្តាយក៏បានទៅប្តឹងសមត្ថកិច្ចឲ្យជួយអន្តរាគមន៍ស្វែងរក ខ្លាច ក្រែងកូនស្រីចាញ់បោកជនខិលខូចបោកបញ្ឆោតយកទៅធ្វើបាប និងបានមកជួបអ្នកយកព័ត៌មានកោះ សន្តិភាពឱ្យជួយចុះផ្សាយ បើបងប្អូនណា បានឃើញក្មេងស្រីមានភិនភាគដូចរូបថតនេះ សូមជួយផ្តល់ដំណឹងផង ។
រហូតមកដល់ថ្ងៃ១១ ខែតុលា ដំណឹងពីនាងក្រមុំដែលបាត់ខ្លួនក៏នៅតែងងឹតសូន្យឈឹងដដែល ។ គេថា បើនាងបាត់ខ្លួនដោយប្រការគ្រោះថ្នាក់ណាមួយ អាចនឹងរកឃើញ តែបើបាត់ខ្លួនដោយចេតនា គឺពិបាករកបន្តិច ៕
ចែករំលែកព័តមាននេះ