រាជធានីភ្នំពេញ ៖ បុរសជាជនសង្ស័យជាចោរប្លន់ម្នាក់ត្រូវបានកម្លាំងមាននគរបាលខណ្ឌចំការមនចាប់ឃាត់ខ្លួន ក្រោយពីរូបគេបានប្រើប្រាស់កូនកាំបិតចិតបន្លែចុងស្រួចចំនួនមួយទៅភ្ជង់.កនារីជាបុគ្គលិកម្នាក់ដែលបម្រើការងារនៅក្នុងកន្លែងអ៊ីនធើណេតមួយកន្លែងដែលមានយីហោ VA2 អស់លុយជាង៣ពាន់ដុល្លារ កាលពីថ្ងៃទី ២៦ ខែកញ្ញា ឆ្នាំ២០១៨…
រាជធានីភ្នំពេញ ៖ បុរសជាជនសង្ស័យជាចោរប្លន់ម្នាក់ត្រូវបានកម្លាំងមាននគរបាលខណ្ឌចំការមនចាប់ឃាត់ខ្លួន ក្រោយពីរូបគេបានប្រើប្រាស់កូនកាំបិតចិតបន្លែចុងស្រួចចំនួនមួយទៅភ្ជង់.កនារីជាបុគ្គលិកម្នាក់ដែលបម្រើការងារនៅក្នុងកន្លែងអ៊ីនធើណេតមួយកន្លែងដែលមានយីហោ VA2 អស់លុយជាង៣ពាន់ដុល្លារ កាលពីថ្ងៃទី ២៦ ខែកញ្ញា ឆ្នាំ២០១៨ នៅចំណុចផ្ទះលេខ២៤ ផ្លូវលេខ២៧៦ កែងនឹងផ្លូវលេខ១១៣ ក្នុងសង្កាត់បឹងកេងកងទី២ ខណ្ឌចំការមន រួចរត់គេខខ្លួនបាត់ស្រមោលនោះ ។
ការចាប់ឃាត់ខ្លួននេះដែរបានធ្វើឡើងកាលពពីវេលាម៉ោង១០និង០០នាទីយប់ថ្ងៃទី០៩ ខែតុលា ឆ្នាំ២០១៨ នៅចំណុចមុខកន្លែងអ៊ីនធើណេតយីហោ ភីភី ណេត (PP Net) ផ្លូវលេខ៦៣កែងផ្លូវលេខ២២២ ក្នុងសង្កាត់បឹងរាំង ខណ្ឌដូនពេញ ។
តាមប្រភពព័ត៌មានពីនគរបាលខណ្ឌចំការមនម្នាក់បានប្រាប់ឱ្យដឹងថា បុរសជាជនសង្ស័យជាចោរប្លន់ម្នាក់ដែលបានចាប់ឃាត់ខ្លួននេះមានឈ្មោះ តាំង ង៉ិចហាវ អាយុ២៩ឆ្នាំ មុខរបរមិនពិតប្រាកដ ស្នាក់នៅផ្ទះលេខ២៤ ផ្លូវលេខ២៣២ ក្នុងសង្កាត់បឹងព្រលឹត ខណ្ឌ៧មករា ។
ដើមឡើយបុរសជាជនសង្ស័យម្នាក់ខាងលើបានប្រើកូន កាំបិតចិតបន្លែយកទៅភ្ជង់.កនារីម្នាក់ធ្វើសកម្មភាពភាពប្លន់យកលុយអស់ជាង៣ពាន់ដុល្លារនៅក្នុងកន្លែងផ្ទះអ៊ីនធើណេតយីហោ VA2 កាលពីព្រឹកថ្ងៃទី២៦ ខែកញ្ញា ឆ្នាំ២០១៨ រួចក៏រត់គេចខ្លួនបាត់ស្រមោលតែម្តង ។
លុះដល់វេលាម៉ោង១០និង០០នាទីយប់ថ្ងៃទី០៩ ខែតុលា ឆ្នាំ២០១៨ កម្លាំងព្រហ្មទណ្ឌខណ្ឌចំការមនបានធ្វើការសហការជាមួយនឹងកម្លាំងនគរបាលប៉ុស្តិ៍បឹងរាំងធ្វើការស្រាវជ្រាវ និងឈានទៅដល់ការចាប់ខ្លួនបុរសជាជនសង្ស័យម្នាក់ខាងលើតែម្តង ។
ក្នុងការចាប់ឃាត់ខ្លួននេះដែរកម្លាំងសមត្ថកិច្ចបានធ្វើការដកហូតបានម៉ូតូម៉ាកស៊ូហ្គុន ពណ៌ខ្មៅ ពាក់ផ្លាកលេខ រ 8288 -ភព១ ចំនួន១គ្រឿង កាបូបស្ពាយពណ៌ខ្មៅចំនួន១ និងកូនកាំបិតចិតបន្លែដងលឿងចំនួន១ផងដែរ ។
ក្រោយឃាត់ខ្លួនបុរសជាជនស្ស័យខាងលើបានសារភាពថា ៖ «ខ្លួនពិតជា បានប្រព្រឹត្តពិតប្រាកដមែន និងយកលុយបានតែចំនួន២៣០០ដុល្លារប៉ុណ្ណោះ និងលេងល្បែងចាញ់អស់ទៅហើយ» ។ បច្ចុប្បន្នជនសង្ស័យបានបញ្ជូនទៅកាន់អធិការដ្ឋាននគរបាលខណ្ឌចមការមនកសាងសំណុំរឿង ដើម្បីបញ្ជូនទៅតុលាការចាត់ការទៅតាមផ្លូវច្បាប់ជាបន្តទៅទៀត ៕
ចុចអាន ៖ សង្ស័យក្រពុលមុខយ៉ាងបានធ្វើបែបនេះដាក់នាងអស់ជាង៣ពាន់ដុល្លារទាំងព្រឹក(មានវីដេអូ)
ចែករំលែកព័តមាននេះ