រាជធានីភ្នំពេញ ៖ បទថ្មី «ស៊ូស្លាប់មិនធ្វើមនុស្សក្បត់» ពី វង្ស ថាណាន់ កំពុងចែកចាយក្នុងបណ្តាញសង្គមខ្លាំង មួយប្រាវចុងក្រោយទៀតហើយមិនថានៅតាមផ្ទះតាមហាងផឹកស៊ី ឬកន្លែងណា ឃើញថា បទចម្រៀងថ្មីបែប មនោសញ្ចេតនាស៊ីអារម្មណ៍របស់លោក វង្ស ថាណាន់ កំពុងតែពុះកញ្ជ្រោលទាក់ទាញមិត្តអ្នកស្តាប់ បណ្តែតអារម្មណ៍តាម។
ម្ល៉ោះហើយកាន់តែជម្រុញឲ្យលោក វង្ស ថាណាន់ មានឱកាសសាងស្នាដៃឲ្យលេចធ្លោ ជាបន្តទៀតជាមួយអាជីពចម្រៀងក្នុងសិល្បៈ។ អតីតបេក្ខជនក្នុងកម្មវិធី Cambodian Idol រដូវកាលទី៣ វង្ស ថាណាន់ បានចេញចម្រៀង “ស៊ូស្លាប់មិនធ្វើមនុស្សក្បត់” ជាចង្វាក់រ៉ុកយ៉ាងពីរោះឆ្លើយតបបទ “សុំបេះដូងមួយចំណែក” របស់តារាចម្រៀងជើងចាស់អ្នកស្រី សុង សេងហ៊ន។
មិនទាន់មាន MV ផង បទ«ស៊ូស្លាប់មិនធ្វើមនុស្សក្បត់» កាន់តែខ្លាំងមកទល់ម៉ោងនេះ គេនៅតែមើលឃើញពីសន្ទុះគាំទ្ររបស់បទ «ស៊ូស្លាប់មិនធ្វើមនុស្សក្បត់» របស់តារាចម្រៀង លោក វង្ស ថាណាន់ នៅលើបណ្ដាញយូធូប ដោយសារតែបទចម្រៀងនេះ មានអ្នកចែកចាយ និងចូលស្ដាប់កើនឡើងដល់រាប់ម៉ឺនដងតែមួយពព្រិចភ្នែក។ អ្នកគាំទ្របទនេះជាច្រើនជំរុញឲ្យបទនេះ ឆាប់ចេញMV និងមានសាច់ភ្លេងដោយគ្មានសំឡេងច្រៀងឲ្យបានឆាប់ ដើម្បីឲ្យអ្នកគាំទ្រកាន់តែទាក់ទាញ និងអាចច្រៀងតាមជំរុញសន្ទុះគាំទ្រ។
អ្នកគាំទ្រជាច្រើនបានបង្ហោះអមជាមួយ បទ «ស៊ូស្លាប់មិនធ្វើមនុស្សក្បត់»ជាច្រើន ថាចង់ឃើញបទចម្រៀងមួយនេះ មានជាMV ឲ្យបានឆាប់ បន្ទាប់ពីបទចម្រៀងនេះ ស្ដាប់ហើយកាន់តែពីរោះ ហើយចំពោះអត្ថន័យក៏ល្អ ត្រូវបេះដូងមហាជន បើទោះជាខ្លឹមសាររបស់បទនេះ គឺជាបកត្រលប់ខ្លឹមសារចម្រៀងរបស់ម្ចាស់ដើមរបស់បទ «សុំបេះដូងមួយចំណែក»។
ក្នុងចំណោមអតីតបេក្ខភាព Cambodian Idol ទាំងអស់ ទាំងមិនទាន់មានផលិតកម្មចូលជ្រកបែបនេះ។ ក្នុងនោះអ្នកចង់ច្រៀងត្រាប់តាមសំឡេងរបស់លោក ក៏ទទូចឲ្យលោកបង្ហោះតែសំឡេងបទចម្រៀងសុទ្ធ ដើម្បីឲ្យហ្វេនបានច្រៀងCover ផងដែរ ដើម្បីឲ្យបទផ្ទុះមួយនេះមានសន្ទុះកាន់តែខ្លាំងឡើង។ តោះចូលរួមស្តាប់បទចម្រៀងមួយនេះទាំងអស់គ្នាដូចតទៅ៖
https://youtu.be/QWxDmgAwj_E
ចែករំលែកព័តមាននេះ