ខេត្តកំពង់ស្ពឺ ៖ កាលពីម្សិលមិញនេះតារាសម្តែង យន សុភ័ក្រ ដែលគេស្គាល់ថា ជាតារាចេញមុខសកម្មភាពមនុស្សធម៌ និងថតស្ប៉ត ព្រមទាំងរឿងភាគល្បីៗ បានជួបគ្រោះថ្នាក់ចរាចរណ៍ពេលទៅសម្តែងថតនៅលើភ្នំគិរីរម្យ។ ក្នុងចំណោមឡានដែលជួលគេចំនួន៣គ្រឿង គឺមានតែឡានក្រុមតារារូបនេះទេ បានផ្ទុះឆេះឡើងយ៉ាងសន្ឋោរសន្ឋៅស្ទើរតែរត់ចេញមិនទាន់។
ហេតុការណ៍ភ្ញាក់ផ្អើលនេះបានកើតឡើងវេលាម៉ោង១០នង៣០នាទីព្រឹកម្សិលមិញនេះ។ ហើយប្រភេទរថយន្តដែលឆេះហុយផ្សែងពេញមេឃ និងអណ្តាតភ្លើងឡើងក្រហមឆ្អៅ គឺជារថយន្តសាំយ៉ុង១៥កៅអី។
ថ្លែងរៀបរាប់ប្រាប់អ្នកយកព័ត៌មានយើងមុននេះ លោក យន សុភ័ក្រ បានឲ្យដឹងថា ចាត់ទុកថា សំណាងរបស់ក្រុមលោក ព្រោះឡាននោះបានធំក្លិនឈ្ងៀមតាំងពីមុនពេលឡើងលើភ្នំគិរីរម្យម្ល៉េះ ដោយពូតៃកុងឡានគាត់ឈប់ធ្វើបានមួយតង់រួចរាល់ គាត់ថា មិនអីក៏ឡើងជិះបន្តទៅមុខ។ ប៉ុន្តែពួកយើងដែលមានគ្នា១០នាក់ក្នុងឡាន នៅតែតាមដានមើលឡានជាប់រហូត ហើយបន្តឈ្ងៀមឡានចេញពីកាប៊ីនមុខហុយទៅៗ។
លោកបន្តថា លុះមិនទុកចិត្តបើកមើល ស្រាប់តែឃើញឆេះមានអណ្តាតភ្លើងក៏ស្ទុះនាំគ្នាចុះពីឡាន ដោយលឿនៗបំផុតចាត់គ្នារើឥវ៉ាន់ក្តោបរៀងៗខ្លួនរត់ចេញ ខ្លះជញ្ជូន ព្រោះនៅតំបន់ស្ងាត់ ភ្លើងក៏កាន់តែឆេះ។
លោកបន្តទៀតថា នៅទីបំផុតឡាននោះក៏ផ្ទុះឆេះយ៉ាងសប្បាយក្រោមអំណាចភ្លើង មិនខ្វល់ពីការភ័យព្រួយរបស់អ្នកដំណើរ ឬការសោកស្តាយរបស់តៃកុងឡានឡើយ។ នេះជាហេតុការណ៍លើកទី១ហើយ ដែលលោកបានជួបប្រទះ បន់ស្រន់អស់ហើយវត្ថុសាកសិទ្ធិ នឹងចាត់ទុកថាជាសំណាងបំផុតដូចធ្វើបុណ្យដល់សម្រាប់ក្រុមសិល្បករដែលរួមដំណើរជាមួយគ្នា។ ដូចនេះសូមបងប្អូនប្រុងប្រយ័ត្នមើលឲ្យអស់មុនបញ្ជារថយន្តចេញទៅផ្លូវឆ្ងាយដើម្បីសុខសុវត្ថិភាព។ ប្រភពវីដេអូពី ៖ test mail
ចែករំលែកព័តមាននេះ