សារព័ត៌មានបរទេសកាលពីពេល ថ្មីៗកន្លងមកផ្សាយថា ខេត្តAceh ប្រទេសឥណ្ឌូណេស៊ី បានចេញច្បាប់ហាមស្ត្រីអង្គុយរួមតុជាមួយបុរសនៅក្នុងហាងបាយ និងហាងកាហ្វេ លើកលែងតែស្ត្រីរូបនោះទៅជាមួយឪពុក បងប្រុស ប្អូនប្រុស ញាតិមិត្ត…
សារព័ត៌មានបរទេសកាលពីពេល ថ្មីៗកន្លងមកផ្សាយថា ខេត្តAceh ប្រទេសឥណ្ឌូណេស៊ី បានចេញច្បាប់ហាមស្ត្រីអង្គុយរួមតុជាមួយបុរសនៅក្នុងហាងបាយ និងហាងកាហ្វេ លើកលែងតែស្ត្រីរូបនោះទៅជាមួយឪពុក បងប្រុស ប្អូនប្រុស ញាតិមិត្ត ឬប្ដីដែលរៀបការស្របច្បាប់ ខណៈពេលមិត្តរួមការងារមានភេទផ្សេងគ្នាក៏ហាមចែកចំណីអាហារគ្នាដែរ ។
បម្រាមនោះដែលទទួលស្គាល់តាំងពីថ្ងៃទី៥ សីហា កន្លងមក បានបញ្ជាក់ថា ម្ចាស់ហាងមិនគួរទទួលស្ត្រីដែលចូលក្នុងហាងតែម្នាក់ឯង ក្រោយពីម៉ោង៩យប់ ។ ទោះជាយ៉ាងណាក៏ដោយបម្រាមនេះ នៅមានការបន្ធូរបន្ថយដោយគ្មានការកំណត់ដាក់ទោស និងអាស្រ័យលើម្ចាស់ហាង ឬបុគ្គលិកនៅក្នុងហាងថា បានទទួលស្ត្រីអតិថិជនដែលមកម្នាក់ឯងក្រោយពីហួសកាលកំណត់ ។
កាលពី៣ឆ្នាំមុនក្រុងបានដា អាសេជាក្រុងស្វយ័តនៅខេត្តអាសេបានចេញច្បាប់ហាមស្ត្រីចូលទៅក្លឹបកម្សាន្ត រួមទាំងហាងកាហ្វេ និងកីឡាដ្ឋានក្រោយពីម៉ោង១១យប់ និងក្រុង Lhokseumawe ជាក្រុងធំលំដាប់ទី២ នៅតំបន់ស្វយ័តអាសេ មិនអនុញាតឲ្យស្ត្រីជិះពាក់កៀវលើម៉ូតូដែលបុរសជាអ្នកបើក ព្រោះវាមិនសមរម្យ ៕
ចែករំលែកព័តមាននេះ