ថ្ងៃមួយនាងវិសាខាបានទៅស្តាប់ធម៌នៅវត្តជេតពន ដោយបាននាំកូននិងចៅជាច្រើនពាន់នាក់ទៅជាមួយផង។ កាលនោះមានភិក្ខុមួយរូបចង់ឃើញនាងវិសាខា បានសួរភិក្ខុដទៃទៀតដែលអង្គុយនៅជិតថាតើស្ត្រីណាមួយជានាងវិសាខា? ភិក្ខុនោះប្រាប់ថា មើលតែស្ត្រីណាក្រោកឡើងយកដៃច្រត់ក្បាលជង្គង់ ស្ត្រីនោះហើយគឺនាងវិសាខា។ កាលនោះនាងវិសាខាមានអាយុ៧០ឆ្នាំ នាងនៅតែក្មេងដូចចៅរបស់នាងដែលមានអាយុ១៦ឆ្នាំ។ នាងវិសាខាមានកូន២០…
ថ្ងៃមួយនាងវិសាខាបានទៅស្តាប់ធម៌នៅវត្តជេតពន ដោយបាននាំកូននិងចៅជាច្រើនពាន់នាក់ទៅជាមួយផង។ កាលនោះមានភិក្ខុមួយរូបចង់ឃើញនាងវិសាខា បានសួរភិក្ខុដទៃទៀតដែលអង្គុយនៅជិតថាតើស្ត្រីណាមួយជានាងវិសាខា? ភិក្ខុនោះប្រាប់ថា មើលតែស្ត្រីណាក្រោកឡើងយកដៃច្រត់ក្បាលជង្គង់ ស្ត្រីនោះហើយគឺនាងវិសាខា។
កាលនោះនាងវិសាខាមានអាយុ៧០ឆ្នាំ នាងនៅតែក្មេងដូចចៅរបស់នាងដែលមានអាយុ១៦ឆ្នាំ។ នាងវិសាខាមានកូន២០ ក្នុងកូននីមួយៗ មានចៅ២០ ក្នុងចៅនីមួយៗ មានកូន២០ រួមទាំងកូន ទាំងចៅ ទាំងចៅទួតសរុបចំនួន៨៤២០ នាក់ឥតមានឈឺស្លាប់ដោយជំងឺមួយឡើយ។ នាងវិសាខាមានកម្លាំងស្មើនឹងកម្លាំងដុំរី៥។
មានរឿងដំណាលថា ថ្ងៃមួយនាងត្រឡប់មកពីស្តាប់ធម៌ ព្រះរាជាចង់ល្បងកម្លាំងរបស់នាងបានលែងដំរីចុះប្រេង១ ឱ្យទៅព្រេចនាង នាងបានយកម្រាមដៃពីរទប់ក្បាលដំរីៗក៏ដួលអុកគូទក្រាបលើផែនដីមិនអាចក្រោកឡើងបានឡើយ ។
រាត្រីមួយនាងវិសាខាបានទៅស្តាប់ធម៌និងបានដោះអាវក្រៅឈ្មោះមហាលតាបសាធន៍ចេញទុកខាងក្រៅវិហារ ដល់ស្តាប់ហើយក៏ត្រឡប់មកលំនៅឋានវិញភ្លេចអាវចោលនៅទីនោះ ទើបប្រើនាងទាសីដែលមានកម្លាំងស្មើនឹងនាងឱ្យទៅយកអាវដោយបានប្រាប់ថា បើភិក្ខុអង្គណាមួយលោករើសទុក នាងប្រគេនលោកចុះកុំយកមកវិញ។ តម្លៃអាវនេះហើយដែលកសាងបានវត្តបុព្វារាមមួយ។
នាងវិសាខាមានអាយុ១២០ ឆ្នាំ នាងបានធ្វើមរណកាលទៅបានកើតនៅក្នុងស្ថាន និម្មានរតី ជាអគ្គមហេសីរបស់ព្រះបាទនិម្មាតទេវបុត្ររហូតដល់សព្វថ្ងៃនេះ ។
ចែករំលែកព័តមាននេះ