ខេត្តកែប ៖ បុរសពីរនាក់ដែលគេស្គាល់ថាជាឪពុកធម៌ និងកូនធម៌នឹងគ្នា គ្រាន់តែមានទំនាស់ពាក្យសម្ដី តិចតួចក៏បានបង្កហិង្សាដាក់គ្នា បណ្តាលឲ្យបុរសជាឪពុកធម៌រងរបួសធ្ងន់ ត្រូវបានសាច់ញាតិដឹកបញ្ជូន ទៅសង្គ្រោះនៅឯមន្ទីរពេទ្យ ចំណែកកូនធម៌ត្រូវបានសមត្ថកិច្ចឃាត់ខ្លួនមកសាកសួរភ្លាមៗ។…
ខេត្តកែប ៖ បុរសពីរនាក់ដែលគេស្គាល់ថាជាឪពុកធម៌ និងកូនធម៌នឹងគ្នា គ្រាន់តែមានទំនាស់ពាក្យសម្ដី តិចតួចក៏បានបង្កហិង្សាដាក់គ្នា បណ្តាលឲ្យបុរសជាឪពុកធម៌រងរបួសធ្ងន់ ត្រូវបានសាច់ញាតិដឹកបញ្ជូន ទៅសង្គ្រោះនៅឯមន្ទីរពេទ្យ ចំណែកកូនធម៌ត្រូវបានសមត្ថកិច្ចឃាត់ខ្លួនមកសាកសួរភ្លាមៗ។ ករណីបង្កហិង្សាបណ្តាលឱ្យបុរសចំណាស់ម្នាក់រងរបួសធ្ងន់ខាងលើបានកើតឡើងកាលពីវេលាម៉ោង២ និង៣០នាទីរសៀល ថ្ងៃទី២៣ ខែកញ្ញា ឆ្នាំ២០១៨ ស្ថិតនៅភូមិដំណាក់ចង្អើរ សង្កាត់ព្រៃធំ ក្រុង-ខេត្តកែប។
តាមប្រភពព័ត៌មានពីសមត្ថកិច្ចមូលដ្ឋានបានឱ្យដឹងថា ករណីឈានដល់ការកាប់ប្រហារគ្នា បណ្តាលឲ្យបុរសចំណាស់ម្នាក់រងរបួសធ្ងន់នេះ គឺជាករណីបង្កហិង្សា ផ្តើមមុនដំបូងគឺបុរសជាឪពុកធម៌ ទៅរករឿងបុរសជាកូនធម៌មុន ទើបខណៈនោះបុរសជាកូនធម៌ទ្រាំមិនបាន ក៏យកកាំបិតទៅកាប់ឪពុកធម៌ ឱ្យរងរបួសយ៉ាងធ្ងន់ធ្ងរតែម្តង។ សមត្ថកិច្ចបានបញ្ជាក់ទៀតថា បុរសជនដៃជាកូនធម៌មានឈ្មោះ សំ សុង ភេទប្រុស អាយុ៣៩ឆ្នាំ មុខរបរកសិករ រស់នៅភូមិដំណាក់ចង្អើរ សង្កាត់ព្រៃធំ ក្រុងកែប។
ចំណែកបុរស រងគ្រោះជាឪពុកធម៌ ឈ្មោះ សូង ឡាង ភេទប្រុស អាយុ៥៨ឆ្នាំ មុខរបរកសិករ មានទីលំនៅភូមិឃុំ កើតហេតុខាងលើជាមួយគ្នា។ ក្រោយពីកើតហេតុជនដៃដល់ត្រូវបានសមត្ថកិច្ចឃាត់ខ្លួន នាំទៅអធិការដ្ឋាននគរបាលក្រុងកែបដើម្បីធ្វើការសាកសួរ។ ចំណែកជនរងគ្រោះជាឪពុកធម៌ ត្រូវបានបងប្អូនក្រុមគ្រួសារដឹកទៅសង្គ្រោះនៅមន្ទីរពេទ្យបង្អែកខេត្តកំពត។ ហើយបច្ចុប្បន្ន ជនដៃដល់ជាកូនធម៌បន្ទាប់ពីការសួរនាំរបស់សមត្ថកិច្ចរួចមកសមត្ថកិច្ចបានកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធី៕
ចែករំលែកព័តមាននេះ