សារព័ត៌មានបរទេសផ្សាយកាលពីពេល ថ្មីៗកន្លងមកថា លោក Jason Maxiell កីឡាករបាល់បោះអាមេរិក និងនាង Brandi Maxiell បានចូលរួមសម្ភាសន៍ក្នុងកម្មវិធីទូរទស្សន៍អាមេរិកឈ្មោះ«Iyanla: Fix My Life» ។ ក្នុងពេលសម្ភាសន៍នោះបុរសជាប្ដីច្រឡំមាត់ធ្លោយពាក្យថា ធ្លាប់រួមរ័កជាមួយនារីចំនួន៣៤១នាក់ ធ្វើឲ្យស្ត្រីជាប្រពន្ធខឹងយ៉ាងខ្លាំង ។
នៅក្នុងកម្មវិធី២នាក់ប្ដីប្រពន្ធបានរៀបរាប់ពីការរស់នៅរួមគ្នារយៈពេល៨ឆ្នាំក្រោយពីរៀបការ ។ ពួកគេគឺជាគូស្នេហ៍តាំងពីនៅក្មេង និងបានសេពគប់គ្នាជាង១៧ឆ្នាំ ហើយក៏សម្រេចចិត្តរៀបការនៅឆ្នាំ២០០៩ និងមានកូនប្រុសម្នាក់អាយុ៦ឆ្នាំ ។ ក្នុងការរស់នៅមានបញ្ហាចម្បងមួយគឺប្ដីរបស់នាងជាអ្នកប្រមឹក និងធ្លាប់ផិតក្បត់ចំនួន៨លើក ប៉ុន្តែនាងមិនធ្លាប់ដឹងថាតួលេខនៃការមានអ្នកថ្មីរបស់ប្ដីមានច្រើនបែបនេះទេ ។
លោកJason បានរៀបរាប់ថាក្នុងមួយជីវិតរបស់លោកធ្លាប់ទាក់ទងជាមួយនារីចំនួន៣៤១នាក់ ប៉ុន្តែលោកបានបញ្ជាក់ថាទោះបីជាបែបណាក៏ដោយលោកមិនមែនជាមនុស្សញៀននឹងសិចទេ ។
ការធ្លោយពាក្យនោះបានធ្វើឲ្យស្ត្រីជាប្រពន្ធខឹងខ្លាំង និងបានដើរចេញពីកម្មវិធី ហើយត្រូវអ្នកសម្ភាសន៍តាមជួយសម្របសម្រួល ៕
ចែករំលែកព័តមាននេះ