ខេត្តកំពង់ចាម ៖ ក្នុងរដូវបិទនេសាទកម្លាំងជំនាញជលផលខេត្តបានបើកការបង្ក្រាបបទល្មើសនេសាទសហការជាមួយនឹងសមត្ថកិច្ចជាបន្តបន្ទាប់ ។ ជាក់ស្តែងគ្រាន់តែនៅថ្ងៃទី២២ កញ្ញា ២០១៨ ក្នុងស្រុក
ស្រីសន្ធរ បង្ក្រាបបានលូស្បៃមុងចំនួន៨២មាត់ របាំងស្បៃមុងប្រវែង៤.១០០ម៉ែត្រ និងចាក់លែងកូនត្រីចម្រុះ ទង្ងន់៤៣៤គីឡូក្រាមផងដែរ ។
តាមលោកអ៊ុក ណារិន នាយខណ្ឌរដ្ឋបាលជលផលខេត្តប្រាប់ឲ្យដឹងថា កម្លាំងរបស់លោកបានចុះស
ហការជាមួយនឹងប៉ុស្តិ៍រដ្ឋបាលឃុំព្រែកដំបូក និងឃុំស្វាយសាច់ភ្នំ ដោយបានចុះបង្ក្រាបបទល្មើសនេសាទតាមបឹងបួរនានា ក្នុងនោះបានចំនួន៣ករណីរួមមាន១- រឹបអូសបានលូស្បៃមុងចំនួន៣៥មាត់
របាំងស្បៃមុងប្រវែង១.៧៥០ម៉ែត្រ បង្គោលចម្រឹងចំនួន៦៩៨ដើម ហើយចាក់លែងកូនត្រីទង្ងន់១៧៥គីឡូក្រាម នៅត្រង់ចំណុចបឹងស្នាយដួច ឃុំបារាយណ៍ ស្រុកស្រីសន្ធរ ២-លូស្បៃមុង៤៧មាត់ របាំងស្បៃមុងប្រវែង២.៣៥០ម៉ែត្រ បង្គោលចម្រឹង៩៤០ដើម ចាក់លែងកូនត្រី២៣៥គីឡូក្រាម ត្រង់ចំណុចបឹងវាម ឃុំប្រាំយ៉ាម ស្រុកស្រីសន្ធរ ៣-ឧបករណ៍រ៉ាវចំនួន១២មាត់ របាំងរ៉ាវប្រវែង៦០៥ម៉ែត្រ បង្គោលចម្រឹងចំនួន២៤០ដើម ចាក់លែងកូនត្រីទង្ងន់២៤គីឡូក្រាម ចំណុចចុងព្រែកដំបូក ឃុំព្រែកដំបូក ស្រុកស្រីសន្ធរ ។
លោកអ៊ុក ណារិន នាយខណ្ឌរដ្ឋបាលជលផលខេត្តរំលឹកថា កាលពីថ្ងៃទី២០ កញ្ញាកន្លងទៅ កម្លាំងជលផលខេត្តបានចុះបង្ក្រាបបទល្មើសជលផលបានចំនួន៣ករណី នៅត្រង់ភូមិសាស្ត្រស្រុកកំពង់សៀមរាបរួមមាន១- លូស្បៃមុង៩មាត់ របាំងស្បៃមុងប្រវែង២៧០ម៉ែត្រ បង្គោលចម្រឹងចំនួន១៣៥ដើម ចាក់លែងកូនត្រីទង្ងន់៨១គីឡូក្រាម ត្រង់ចំណុចបឹងបញ្ជាញ ឃុំវិហារធំ ស្រុកកំពង់សៀម ។ ករណីទី-២ – លបព្រីសមួយរយចំនួន១៧ខ្សែ នៅត្រង់ចំណុចរោងដំរី ឃុំវិហារធំ ករណីទី៣- លូស្បៃមុងចំនួន២០មាត់របាំងស្បៃមុងប្រវែង១.០៥០ម៉ែត្រ បង្គោលចម្រឹងចំនួន៣០០ដើម ចាក់លែងកូនត្រីទង្ងន់៧០គីឡូក្រាម ត្រង់ចំណុចក្បាលទំនប់ជ្រោយចេក រហូតដល់វត្តទួលរកាភូមិល្ពាក ឃុំស្រក ស្រុកកំពង់សៀម ។
លោកនាយខណ្ឌរដ្ឋបាលជលផលខេត្តបញ្ជាក់ថា កម្លាំងរបស់លោកនូវតែបន្តកិច្ចសហការជាមួយនឹង
សមត្ថកិច្ចរួមនឹងអាជ្ញាធរដែនដី ដើម្បីបង្ក្រាបបទល្មើសនេសាទនៅតាមអតីតឡូត៍នេសាទ មួយចំនួន
ជាប់ដងទន្លេមេគង្គ រួមនឹងបឹងបួរនានាឲ្យបានដូចភ្លៀងរលឹមផងដែរ ។ ហើយក៏សូមអំពាវនាវដល់ពល
រដ្ឋមេត្តាបញ្ឈប់សកម្មភាពបទនេសាទខុសច្បាប់ ងាកមកប្រើឧបករណ៍នេសាទស្របច្បាប់វិញ ក្នុងករ
ណីមិនរាងចាលនោះ នឹងត្រូវចាប់ខ្លួនបញ្ជូនទៅឲ្យអយ្យការអមសាលាដំបូងខេត្តចាត់វិធានការតាម
ផ្លូវច្បាប់តែម្តង ៕
ចែករំលែកព័តមាននេះ