ប្រទេសម៉ាឡេស៊ី ៖ បើតាមអាជ្ញាធរបានរាយការណ៍កាលពីថ្ងៃទី១៩ កញ្ញានេះឱ្យដឹងថា មនុស្សសរុប២១នាក់ ជាពិសេសពលករអន្តោប្រវេសន៍ត្រូវបានស្លាប់នៅម៉ាឡេស៊ីក្រោយពីពួកគេផឹកស្រាលាយ រួចប៉ូលិសបានចាប់ខ្លួនមនុស្សជាច្រើននាក់។ ក្នុងចំណោមជនរងគ្រោះស្លាប់ក្រោយពីផឹកស្រាវីស្គី និងស្រាបៀរ នៅក្រុងគូឡាឡាំពួរ…
ប្រទេសម៉ាឡេស៊ី ៖ បើតាមអាជ្ញាធរបានរាយការណ៍កាលពីថ្ងៃទី១៩ កញ្ញានេះឱ្យដឹងថា មនុស្សសរុប២១នាក់ ជាពិសេសពលករអន្តោប្រវេសន៍ត្រូវបានស្លាប់នៅម៉ាឡេស៊ីក្រោយពីពួកគេផឹកស្រាលាយ រួចប៉ូលិសបានចាប់ខ្លួនមនុស្សជាច្រើននាក់។
ក្នុងចំណោមជនរងគ្រោះស្លាប់ក្រោយពីផឹកស្រាវីស្គី និងស្រាបៀរ នៅក្រុងគូឡាឡាំពួរ ឬនៅតំបន់ជាយក្រុងនេះ មានជនជាតិម៉ាឡេស៊ី៣នាក់ ព្រមទាំងបណ្ដាមនុស្សមកពីនេប៉ាល់ បង់ក្លាដែស ឥណ្ឌា និងមីយ៉ាន់ម៉ា។ ហើយអ្នកស្លាប់ដំបូងគេគឺកាលពីយប់ថ្ងៃទី១៧ កញ្ញា រួចតុល្យការចេះតែមានការកើនឡើង។ ចំណែគម៉ាឡេស៊ី ទាក់ទាញពួកអន្តោប្រវេសន៍ មកពីបណ្ដាប្រទេសអាស៊ីដែលក្រីក្របំផុតហើយរកការងារធ្វើ ពិសេសក្នុងបណ្ដាចម្ការដូងប្រេង ឬតាមការដ្ឋានទាំងឡាយ។
ក្រៅពីអ្នកស្លាប់មនុស្ស៣៦នាក់ទៀតធ្លាក់ខ្លួនឈឺ ក្រោយផឹកស្រាលាយ។ នេះជាការអះអាងរបស់រដ្ឋមន្ត្រីសុខាភិបាលម៉ាឡេស៊ី លោក DZULKEFLY AHMAD។ លោកថា យើងមានការព្រួយបារម្ភខ្លាំង ព្រោះស្រាលាយត្រូវបានគេផលិតដោយលួចលាក់។ ហើយមានពួកមនុស្សពុំខ្លាចរអែង ព្រោះតែប្រាក់ផលិតភេសជ្ជៈទាំងនេះ។
ប៉ូលិសបានចុះឆែកឆេរតាមហាងលក់ស្រាទាំងឡាយនៅក្រុងគូឡាឡាពួរនិងតំបន់ជុំវិញក្រុង ដោយរឹបអូសស្រាវីស្គី និងស្រាបៀរតាមកន្លែងស្តុកនានាកុំឲ្យបញ្ចេញទៅទីផ្សារ។
យោងតាមទីភ្នាក់ងារព័ត៌មានផ្លូវការម៉ាឡេស៊ី BERNAMAថា ម្ចាស់ហាង៧នាក់ដែលរឹងទទឹងក្នុងនោះមានបុរស៥នាក់ និងនារី២នាក់មានដើមកំណើតម៉ាឡេស៊ី មីយ៉ាន់ម៉ានិងឥណ្ឌាត្រូវប៉ូលិសចាប់ខ្លួន។ ហើយនៅម៉ាឡេស៊ីកាលពីឆ្នាំ២០១៣ មានជនបរទេសស្លាប់២៩នាក់មកពីផឹកស្រាលាយ៕
ចែករំលែកព័តមាននេះ