ទីភ្នាក់ងារបរទេសផ្សាយថា នៅលើលោកអ្វីក៏កើតឡើង ជាក់ស្ដែងសម្រាប់លោក គ្រីស ប្រ៊ែត(Chris Pratt) តារាសំដែងជនជាតិអាមេរិកធ្លាប់សំដែងក្នុងរឿង«Jurassic World 2» ក្នុងពេលដែលអាណាចក្រកំពុងរលំរលាយ ទើបមានដាក់បញ្ចាំងរួចហើយ លទ្ធផលបង្ហាញថា ក្ដីស្រឡាញ់របស់លោកក្នុងពេលនេះកំពុងរីកសុះសាយ ធ្វើឲ្យសាមុីខ្លួនមានមុខមានមាត់នៅក្នុងសង្គមព្រោះគូស្នេហ៍ចុងក្រោយរបស់គេគឺនាងឃែតធឺរីន ស្វាសេនេកហ្គ័រ(Katherine Schwarzenegger) កូនស្រីរបស់លោក Arnold Schwarzenegger ។
លោក គ្រីស ប្រ៊ែត តារាសំដែងអាយុ៣៩ឆ្នាំ បានទាក់ទងកូនស្រីរបស់លោក អាណុល តារាសំដែងជើងចាស់គឺនាង ឃែតធឺរីន ស្វាសេនេកហ្គ័រ អាយុ២៨ឆ្នាំ ។ ពួកគេទាំង២បានស្គាល់គ្នាតាមរយៈលោកស្រី Maria Shriver ម្ដាយរបស់ឃែតធឺរីនដែលណែនាំឲ្យលោក គ្រីស បានស្គាល់កូនស្រីរបស់ខ្លួន ក្រោយមកលោកគ្រីសក៏ក្លាយជាមនុស្សសំខាន់ម្នាក់មានទំនាក់ទំនងជាមួយនាងជាប្រចាំ ។
លើសពីនេះក៏មានពលរដ្ឋ រួមទាំងអ្នកសារព័ត៌មាននានាបានបង្ហាញពីភាពលេចធ្លោរថា ទាំង គ្រីស និង ឃែតធឺរីន បានចងសម្ព័ន្ធជាមួយគ្នា និងមានលក្ខណៈជិតដិតកាន់តែខ្លាំងពីមួយថ្ងៃទៅមួយថ្ងៃ ៕
ចែករំលែកព័តមាននេះ